вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

990 O‘RINLI YANGI MAKTAB BINOSI FOYDALANISHGA TOPSHIRILDI

04.09.2023 16:26:51

Bugun yangi o‘quv yili munosabati bilan viloyatimizning faol tadbirkori A.Saksonov tomonidan 23 mlrd.so‘mlik homiylik mablag‘lari hisobidan bunyod etilgan zamonaviy, barcha qulayliklarga ega 990 o‘rinli yangi maktab binosi foydalanishga topshirildi.

Ushbu marosimda viloyat hokimi Normat Tursunov, nuroniylar, soha fidoyilari va keng jamoatchilik ishtirok etdi.
Tadbirda so‘z olganlar barchani “Bilimlar kuni” bilan tabriklab, onadek mehribon, otadek g‘amxo‘r, har birimiz uchun aziz va moʻtabar bo‘lgan ulug‘ zot — o‘qituvchi va murabbiylarga chuqur ta’zimda ekanliklarini bildirdi.

Shuningdek, maktabga ilk bor qadam qo‘ygan 1-sinf o‘quvchilariga Prezident sovg‘alari topshirildi va ular bilan birgalikda maktab binosiga kirildi.

Shu o‘rinda alohida ta’kidlash kerakki, bugun viloyatimizning 365 ta maktablarida 21 025 nafar 7 yoshli farzandlarimiz ilk bor maktab ostonasiga qadam qo‘ymoqda.