вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Ўқувчилар беллашуви

06.01.2018 18:07:38

Ўзбекистон "Ёшлик" жисмоний тарбия ва спорт жамияти Марказий кенгаши соврини учун эркин кураш, гандбол ва стол тенниси бўйича ўқувчи-ёшлар ўртасида вилоят биринчилиги бўлиб ўтди. Унда 2002-2003 ҳамда 2004-2005 йилларда туғилган ўсмирлар ва қизлар беллашдилар.

Мусобақалар яккакураш турларига ихтисослаштирилган болалар ва ўсмирлар спорт мактаби, "Кимёгар" ўйингоҳи ҳамда Навоий шаҳридаги 7-сонли умумий ўрта таълим мактаби спорт залларида бўлиб ўтди. Ўйинлар қизиқарли ва муросасиз кечди. Стол тенниси жамоавий учрашувида ўғил болалар ўртасида Навоий шаҳри 1-ўринни, Навбаҳор ва Конимех туманлари жамоалари эса кейинги ўринларни эгалладилар.

Қизлар ўртасидаги баҳсларда нуроталиклар фахрли ўрин соҳиби бўлишди. Қўл тўпида Навбаҳор, Кармана, Хатирчи туманлари совринли ўринларни қўлга киритди.

Шунингдек, эркин кураш турида Навоий шаҳри жамоаси ғолиб деб топилди. Кейинги ўринлар хатирчилик ва навбаҳорлик ўқувчиларга насиб этди.

Г. ИБРАГИМОВА,

"Ёшлик" ЖТСЖ вилоят минтақавий бўлими мутахассиси.

Манбаа: dustlikbayrogi.uz