вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
27.10.2014 09:52:50
Навоийлик Ҳусниддин Норбеков Жанубий Кореянинг Инчеон шаҳрида бўлиб ўтаётган мусобақада енгил атлетиканинг диск улоқтириш баҳсларида иштирок этиб, 53 метр 84 сантиметр натижа қайд этди ва биринчи ўринни эгаллади. Шунингдек,тажрибали спортчимиз ядро улоқтиришда ҳам совриндорлар сафидан жой олиб, кумуш медаль билан тақдирланди.
Президентимиз Ислом Каримов раҳнамолигида аҳолининг ижтимоий ҳимояга муҳтож қатламлари, жисмоний имконияти чекланган ёшларни жисмоний тарбия ва спортга кенг жалб этиш, улар ўртасида паралимпия ҳаракатини ривожлантириш орқали жамиятга фаол интеграциялашувини таъминлаш, иқтидор ва салоҳиятини рўёбга чиқаришга қаратилаётган доимий эътибор самарасида ёшларимиз нуфузли халқаро мусобақаларда, Паралимпия ва Параосиё ўйинларида юқори натижаларга эришмоқда.
1987 йилда Кармана туманида таваллуд топган Ҳ.Норбеков мана олти йилдирки, “Кимёгар” спорт мажмуасида мураббий Игорь Шишков қўл остида шуғулланиб келаяпти.
– Шогирдимнинг Инчеон шаҳрида қўлга киритган мувафаққиятларини эшитиб, хурсанд бўлдим, – дейди Игорь Геннадьевич. – У Хитойда бўлиб ўтган шундай мусобақада ҳам фаол иштирок этиб, 2-ўринга сазовор бўлган эди. Ўзбекистон Миллий Паралимпия ассоциацияси вилоят бўлими раҳбарияти томонидан яратиб берилаётган имкониятлар ва кўрсатилаётган эътибор, қолаверса, Ҳусниддиннинг ўз устида тинмай ишлаганлиги, машғулотларда кўрсатмаларимга тўлиқ амал қилганлиги бугун ўз самарасини берди, деб ўйлайман.
Бу галги мусобақада Ҳусниддин мақсадига етиб, Параосиё ўйинларининг чемпиони деган номни қўлга киритди. Энди у 2016 йилда бразилиянинг Рио-де-Жанейро шаҳрида бўлиб ўтадиган XV Паралимпия ўйинларига тайёргарликни янада кучайтиради.
Айни кунларда Инчеон шаҳрида қитъамизнинг 42 давлатидан 4 мингдан зиёд спортчи иштирокида ўтказилаётган Параосиё ўйинларида 27 нафар паралимпиячимиз спортнинг енгил атлетика, дзюдо, сузиш, ўқ отиш турлари бўйича мусобақаларда Ватанимиз шарафини ҳимоя қилмоқда.
Эслатиб ўтамиз, ҳозирда делегациямиз ҳисобида 20та олтин, 4та кумуш ва 5та бронза медали мавжуд ва умумжамоа ҳисобида 5-ўринни банд қилиб туришибди.
Азиз АҲМЕДОВ, шаҳар ҳокимлиги мутахассиси.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а