вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Тарғиботда таъсирчанлик етишмаяпти

29.06.2015 11:07:17

Вилоят ҳокимлигида одам савдосига қарши курашиш, ижтимоий-маънавий муҳит барқарорлигини таъминлаш, чет давлатларга чиқиб кетган ва қайтиб келган шахсларни тиббий кўрикдан ўтказиш ҳамда иш билан таъминлаш борасида амалга оширилаётган тадбирлар муҳокамасига бағишланган селектор йиғилиши бўлиб ўтди.

Йиғилишни вилоят ҳокими, Одам савдосига қарши курашиш бўйича вилоят ҳудудий Идоралараро комиссияси раиси Э. Турдимов кириш сўзи билан очиб, бугунги кунда фуқароларнинг чет давлатларга иш ахтариб кетиш ҳолатлари тобора кўпайганини таъкидлади.

Ачинарлиси, ўтган беш ой давомида вилоятимиздан чет элга кетиб, қайтганлар орасида ОИВ, сил, захм каби юқумли касалликларга чалинганлар борлиги аниқланган, 5 нафар шахс бегона юртларда вафот этган. Энг ташвишланарлиси, баъзи шахслар мўмай даромад излаб хорижга кетиб, у ёқда ўзлари билиб-билмай, диний экстремистик ташкилотлар таъсирига тушиб қолмоқда.

Йиғилишда вилоят соғлиқни сақлаш бошқармаси, меҳнат ва аҳолини ижтимоий муҳофаза қилиш бош бошқармаси ва "Маҳалла" хайрия жамоат фондининг вилоят бўлими, фуқароларнинг ўзини ўзи бошқариш органлари одам савдосига қарши курашиш борасида талаб даражасида иш олиб бормаётгани, жумладан, чет элга кетганлар ўз вақтида рўйхатга олинмаётгани, қайтиб келганларни тиббий кўрикдан ўтказиш ва бандлигини таъминлаш масалаларига эътиборсизлик билан қаралаётгани қайд этилди.

Якунда аниқланган камчиликларни бартараф этиш юзасидан тавсиялар берилди.

Х. САФАРОВА.

Манбаа: dustlikbayrogi.uz