вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Тадбиркорлар сафи ортмоқда

10.08.2016 13:25:10

Тадбиркорлик том маънода элимиз фаровонлигини таъминлаш, ишлаб чиқариш ва янги иш ўринлари яратиш, экспорт, импорт фаолиятини амалга оширишда муҳим роль ўйнаётган соҳага айланди. Тадбиркорлик субъектларига "Ягона дарча" тамойилининг жорий этилгани эса замонавий ахборот-коммуникация технологияларидан кенг фойдаланган ҳолда давлат хизматлари кўрсатиш сифати ҳамда улардан фойдаланиш имкониятларини тубдан ошириш ва шаффофлигини таъминлашга замин яратди.

Нурота туманида жорий йилнинг биринчи ярим йиллигида рўйхатдан ўтиб, фаолият олиб бораётган тадбиркорлик субъектлари сони 1178 тани ташкил этди. Улардан 661 таси якка тартибдаги тадбиркорлик субъекти, 517 таси юридик мақомга эга бўлган кичик бизнес субъекти ҳисобланади. Бунинг натижасида янги иш ўринлари очилиб, аҳолини иш билан таъминлаш, яшаш шароитини яхшилашга кенг йўл очиб берилди.

Қувонарли томони, ҳунармандчилик, савдо, сервис ва ишлаб чиқариш йўналишида ўзини синаётган ишбилармонларнинг кўпчилиги ёшлардир.

— Коллежни битириб, имтиёзли банк кредити кўмагида ўз бизнесимни йўлга қўйдим, — дейди Гулнигор Баҳронова. — Ҳайвонлар терисига ишланган миниатюра асарларини тўқиш, тикиш ва чизиш билан шуғулланаяпмиз. Бу янгича қўл меҳнати бўлиб, асосан сайёҳлар учун мўлжалланган. Келгусида ишимни ривожлантириб, хорижий ҳамкорлар топишни, экспортга ўз улушимни қўшишни ният қилганман.

Бизнес лойиҳалари асосида тадбиркорлар сафига кириб бораётган бундай ёшлар сони туманда 100 нафардан ортиқни ташкил этади. Муҳими, катта режалар, улкан мақсадлар ва ишонч билан олдинга ташланган қадам улкан натижаларга эришиш учун имкониятлар яратади.

Ҳилола ИСМАТОВА.