вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

СИФАТЛИ МАҲСУЛОТЛАР ЭЛГА МАНЗУР

19.09.2014 15:19:01

Бугун жамиятимизда бўлаётган ҳар бир янгиланишларда, бунёдкорлик ишларида хотин-қизларнинг фаоллигини ошириш, уларнинг иш билан бандлигини таъминлаш устувор масалалардан бирига айланган. Давлатимиз томонидан берилган турли имтиёзлар, яратилган қулай шароитлар улар учун янги имкониятлар эшигини очмоқда.
Бу саъй-ҳаракатларда нодавлат нотижорат ташкилотларининг ҳам ҳиссаси катта бўлаётир.
Жорий йилда вилоят касаба уюшмалари ташкилотлари бирлашмаси ҳузурида ўз фаолиятини бошлаган “Касаба чевар” масъулияти чекланган жамияти ана шундай эзгу мақсадларда ташкил этилди. Жамият қошидаги янги тикув цехига ўн тўрт нафар хотин-қиз ишга олинди.
– Вилоят касаба уюшмалари ташкилотлари бирлашмаси ҳисобидан 33 миллион сўм маблағ сарфланиб, 15 та тикув машинаси сотиб олинди, – дейди МЧЖ директори Аваз Худоёров. – Бу ерда кунига 100 га яқин маҳсулот тайёрланмоқда. Ишчиларимиз учун барча қулай шароитлар яратилган. Уларнинг 8 нафари коллежни тамомлаган қизлардир. Ватанимиз тараққиёти, элимиз фаровонлигини оширишга озгина бўлса-да, ҳисса қўшаётганимиздан хурсандмиз.
Айни пайтда моҳир чеварлар томонидан спорт кийимлари, ўқувчилар учун мактаб формалари, ёстиқ жилдлари ва чойшаблар, болалар, эркаклар ҳамда хотин-қизлар кийимлари тайёрланмоқда. Замонавий кўринишдаги, нафис ва бежирим маҳсулотлар харидорларга манзур бўлаётир. Эндиликда улар ўз маҳсулотларини ички бозорга ҳам сотишни йўлга қўйишди.
Цехдаги меҳнат жараёнларини кузатар эканмиз, қўли қўлига тегмай ишлаётган ишчилардан бирини суҳбатга тортдик.
– Коллежни тугатиб, шу ерга ишга кирдим, – дейди Дилшода Набиева. – Тикувчилик ўзига яраша дид, қунт ва маҳоратни талаб этади. Коллежда ўқиб юрган пайтимдаёқ бу ҳунарни пухта ўрганиб олгандим. Янги дизайн ва ҳар жиҳатдан қулай кўринишда тайёрланаётган буюмларимиз мижозларга манзур бўлаётгани, буюртмачилар сони кўпаяётгани бизни янада қизиқиш билан ишлашга, интилувчанликка, изланишга ундамоқда. Меҳнат қилишимиз
учун барча шароитлар яратилган. Ҳозирда устозим Лола Худоёровадан тикувчиликнинг янги-янги усулларини ўрганяпман.
“Касаба чевар” жамоаси келгусида ўз маҳсулотларини бошқа вилоятларга ҳам сотишни, шу билан бирга Самарқанддаги бир нечта текстил корхоналари билан ҳамкорликда ишлаб, фаолият кўламини бунданда кенгайтиришни режалаштирмоқда. Бу эзгу мақсадлар амалга ошса, келажакда цехда яна янги иш ўринлари яратилади.

Раъно РАББИМОВА, Шавқиддин ШОДМОНОВ олган суратлар.