вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

САНОАТДА МАҲАЛЛИЙЛАШТИРИШ ДАРАЖАСИНИ ОШИРИШ – ИҚТИСОДИЙ МУСТАҚИЛЛИКНИ МУСТАҲКАМЛАЙДИ

02.02.2022 16:07:10

Навоий вилояти ҳокими вазифасини бажарувчи Нормат Турсунов маҳаллийлаштириш дастури доирасида ишлаб чиқариш корхоналари фаолиятини ўрганиш ва тадбиркорларни қўллаб қувватлаш, мавжуд муаммоларнинг ечимини топишда амалий ёрдам бериш мақсадида бир қатор бизнес субъектлари фаолияти билан яқиндан танишди.

Жумладан, вилоят раҳбари Навоий шаҳрида жойлашган “NAVPROMLITMASH” МЧЖга қарашли корхонада бўлиб, бу ерда метални қайта ишлаш эвазига ишлаб чиқарилаётган импорт ўрнини босувчи маҳсулотлар ва қуйиш цехи, шунингдек, янги ташкил этилган замоанвий ишлаб чиқариш цехи фаолиятини кўздан кечирди

Танишув жараёнида Н. Турсунов саноатда фойдаланиладиган маҳсулотлар ишлаб чиқаришга мўлжалланган замонавий дастгоҳлар ва ишлаб чиқарилаётган “Саноат фильтри”ни маҳаллий ва ташқи бозор талаблари, экспорт қилиш имкониятлари ҳақида тўхталиб, саноатда маҳаллийлаштириш даражасини ошириш – иқтисодий мустақилликни мустаҳкамлашга хизмат қилишини таъкидлади.

Шундан сўнг вилоят раҳбари “HEATING RADIATORS” МЧЖда ишлаб чиқарилаётган маиший радиатор ва икки контурли иситиш қозонларининг ишлаб чиқарилиши жараёни билан ҳам танишди.

Корхона раҳбарлари билан мулоқот жараёнида тадбиркорларнинг ишлаб чиқариш жараёнларини янада кенгайтириш ҳамда импорт ўрнини босувчи маҳсулотларини маҳаллайлаштириш ҳамда кенгайтириш мақсадида долзарб муаммолар ва уларнинг ечимига амалий ёрдам бериш масалалари муҳокама этилди.