вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
21.07.2015 12:08:01
Кичик бизнес ва хусусий тадбиркорлик ривожи мамлакатимиз иқтисодиётида муҳим ўрин тутади. Шу боис, вилоятимизда ҳам йилдан йилга тадбиркорлар сони ошиб бораётгани қувонарли.
Хатирчи туманидаги эшик ишлаб чиқаришга мўлжалланган "Gold Doors Servise" хусусий корхонаси ўтган йили ташкил топганди. Бугун бу ерда бир кунда йигирмадан ортиқ сифатли ва чиройли кўринишдаги эшиклар ясалиб, буюртма асосида аҳоли хонадонлари ҳамда таълим муассасалари, ташкилотларга етказиб берилмоқда.
— Корхонамизга хомашё келтириш учун "Микрокредитбанк" ОАТБнинг туман филиалидан 100 миллион сўм кредит олгандик, — дейди корхона раҳбари Икром Эрматов. — Шунингдек, лизинг асосида Хитойдан технологиялар олиб келиб ўрнатдик. Замонавий техника ёрдамида ишлаш қулай бўлиши билан бирга, маҳсулотнинг сифатлилик даражаси ошмоқда. Биргина "Иссиқ пресс" деб номланувчи жиҳозда 90 градусда қиздирилган эшиклар чидамлилиги, пишиқлиги мустаҳкамланади. Бу эса бозорда харидоргирликни таъминламоқда. Илгари туман миқёсида эшикларимизга буюртмалар бўларди, ҳозир талаб янада ортган.
Корхона раҳбарининг "Ташаббус-2015" кўрик-танлови туман босқичида "Энг яхши тадбиркор" номинациясида ғолибликни қўлга киритгани И. Эрматовга муносиб рағбат бўлгани рост. Хусусий корхонада бугунги кунда 15 нафар ишчи хизмат қилмоқда. Уларнинг уч нафари коллеж битирувчиларидир. Тажрибали ишчи Улуғбек Муҳиддинов "Уста-шогирд" анъанаси асосида ёшларга технологиялар билан ишлаш сир-асрорларини ўргатиб келмоқда.
— Мижозлар таклифига кўра, улар истаган дизайнда эшиклар ясалади, — дейди корхона иш юритувчиси Хуршид Имомов. — Буюртма берувчи эшикка исталган турдаги нақш туширилиши ёки ойна ўрнатилишини ўзи ихтиёрий белгилайди. Аҳолидан ошхона мебеллари ясаб бериш бўйича ҳам таклифлар тушяпти. Келгусида фаолиятимизни кенгайтирган ҳолда бу ишлаб чиқаришни ҳам йўлга қўйиш ниятидамиз.
"Gold Doors Servise" сингари хусусий корхоналар ривожи мамлакатимиз тараққиётига сезиларли ҳисса қўшиб боравериши аниқ.
З. МАРДОНОВА
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а