вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

РАСМИЙ МУНОСАБАТ

24.10.2019 15:35:21

Жорий йилнинг 22 октябрь куни ижтимоий тармоқларда жойлаштирилган “Навоий – Чиқинди ташиш корхонаси ишчилари: МИБ аҳолидан тўловни вақтида йиғиб олмагани сабаб маошсиз қолдик” номли хабар юзасидан.

Мазкур хабарда, Навоий вилоятининг Кармана туманида фаолият кўрсатувчи “Бережливость” корхонаси ишчи-ходимлари ўзларига бириктирилган ҳудудда маиший чиқиндиларни олиб кетиш билан шуғулланишини, жорий йилдан бошлаб маиший чиқиндилар учун тўловларни амалга ошириш Бюро ходимларига юклатилганини, бироқ ўз вақтида тўловларни ундира олмаётгани сабабли, корхона ходимлари ойлик маошини олишмаётганини билдирган.

Аниқлашича, “Бережливость” хусусий корхонаси Навоий вилояти Кармана туманидаги 37 та маҳалладаги 27292 та абонент учун (122.773 нафар фуқаролар) хизмат кўрсатади. Корхона фаолиятини амалга ошириш учун 5 та техника воситаси ажратилган бўлиб, корхонанинг моддий техника базаси етишмаслиги, маиший чиқиндиларни тўплаш ва олиб кетиш хизматини талаб даражасида олиб борилмаётгани учун аҳоли вакиллари норозилик билдиришган.

Бундан ташқари, корхона томонидан Бюронинг Кармана туман бўлимига қарздор фуқаролар ҳақидаги маълумотлар базаси ҳамда ҳисобланган қарздорликлар ҳақидаги маълумотларнинг тўлиқ ва тўғри тақдим этилмагани, қаттиқ маиший чиқиндилар учун тўловларни ундиришда қийинчиликни туғдирмоқда.

Ҳозирга қадар, Бюронинг Кармана туман бўлими томонидан ҳудудларга бириктирилган 31 нафар давлат инспекторлари томонидан қаттиқ маиший чиқиндиларни тўплаш ва олиб чиқиш хизматлари учун жорий йилнинг 9 ойида жами 1 млрд. 378 млн. сўмлик маблағлар ундирилган.

Бундан ташқари, 6 ой муддат давомида тўловни амалга оширмаган 17 минг 628 та (1 млрд. 500 млн. сўмлик) абонентларнинг рўйхатлари шакллантирилиб, судларга даъво аризалари киритиш учун вилоят Экология ва атроф-муҳитни муҳофаза қилиш бошқармасига тақдим қилинган.

Маълумот учун: Бюро органлари томонидан қаттий маиший чиқинди соҳасидаги ундирилган маблағлар - Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари махсус ғазна ҳисобварақларида жамланади.

Хизмат кўрсатувчи ташкилот(корхона)ларга тўловлар - жойлардаги ҳокимликлар билан тузилган давлат-хусусий шериклик битимлари ва шартномаларга мувофиқ, марказлаштирилган ҳолда амалга оширилади.

Мажбурий ижро бюроси Навоий вилоят бошқармаси