вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
20.06.2016 11:10:07
Мусиқа халқлар ўртасидаги маданий алоқаларни мустаҳкамлаш, тотувликни таъминлашда муҳим ўрин тутади. Германиялик машҳур жаз қўшиқчиси Пэт (Патриция) Эпплтоннинг мамлакатимиз бўйлаб уюштирилган концерт дастури ана шу ҳамкорликнинг яна бир кўриниши бўлди. Германия Федератив Республикасининг Ўзбекистондаги элчихонаси, республикамиз Маданият ва спорт ишлари вазирлиги, Ўзбекистон Давлат консерваторияси ташаббускорлигида ташкил этилган концерт Навоий маданият ва санъат коллежида ҳам кўтаринки кайфиятда бўлиб ўтди.
П. Эпплтон университетда сиёсатшунослик йўналиши бўйича таҳсил олаётган вақтда у қўшиқчи сифатида ишлай бошлаган ва тез орада ўзига сиёсат жарчиси бўлишдан кўра мусиқа элчиси йўлини танлаш маъқуллигини англаб етади. Қўшиқчилик бўйича таълим олганидан кейин у "De Phazz" мусиқий жамоасига қўшилади ва "Jazzkantine" жаз гуруҳи, "Nighthawks" ёки "Bahama Soul Club" каби гуруҳлар билан биргаликда муваффақиятли чиқишлар қилади. Бугунги кунда Берлин шаҳрида яшаётган П. Эпплтон замонавий немис жазининг энг ширали овозларидан бири саналади. Машҳур жаз хонандасининг коллежга йиғилган санъат иштиёқмандлари эътиборига ҳавола қилган қўшиқлари гарчи немис, инглиз, француз тилларида янграса-да, мухлислар юрагига етиб боролди. Ижро маҳорати юксаклиги, тажриба ва маҳорат кенглиги, саҳна маданияти, баланд дидни ўзида жамлаган Пэт Эпплтоннинг муҳаббат, умид, ишонч тараннум этилган қўшиқларини томошабинлар қарсаклар билан олқишлаб туришди. Французча "Олтин ёшлар" қўшиғига зални тўлдирган ёшлар завқ билан жўр бўлишди. Пэт Эпплтонга қашқар рубобда Қосимжон Назаров, чангда Нодира Мелибоева, бас-гитарада Рамил Исанбаев ва зарбли чолғуда Зиядулла Абдуллаев сингари кўплаб республика ва халқаро танловлар лауреати бўлган ўзбек мусиқачилари ҳамроҳлик қилишди. П. Эпплтон томонидан халқимизнинг севимли қўшиқларидан бири "Ўзбекистон — гулзор" ашуласининг немис ва ўзбек тилларида ижро этилиши барчага бирдек кўтаринки кайфият бағишлади.
— Концерт менга жудаям ёқди, — дейди коллежнинг 1-курс ўқувчиси Дилноза Тўраева. — Тўғриси, мазза қилиб дам олдим. Жаз қўшиқларининг ўзбек миллий асбобларида ҳам жуда чиройли жаранглаши мени қувонтирди.
Шунингдек, коллежда П. Эпплтон иштирокида қўшиқчилик борасида маҳорат машғулотлари ҳам ўтказилди.
— Мен вилоятингизга келгунга қадар Жиззахда ҳам бўлдим,— дейди биз билан суҳбатда немис жаз қўшиқчиси П. Эпплтон. — Лекин Навоийдан олган таассуротларим бутунлай бошқача! Ёшларнинг санъатсеварлиги, жўшқинлиги менга ажойиб кайфият бера олди. Жаз мусиқасини танлашимга америкалик хонанда Элла Фитгералднинг санъати сабаб бўлган. Қўшиқчилик йўлини танлаган инсон ортга чекинмаслиги керак. Юрган йўлим — бу менинг мақсадим! Бу йўллар мени келгусида яна серқуёш Ватанингизга чорлашига шубҳам йўқ.
Зулфия БОБОЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а