вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Оилаларнинг энг яқин маслаҳатчиси

16.06.2017 12:57:08

"Ёшлар маркази"да бўлиб ўтган "Фуқаролар йиғинларининг энг намунали диний маърифат ва маънавий-ахлоқий тарбия масалалари бўйича маслаҳатчиси" кўрик-танловининг вилоят босқичида Навоий шаҳар "Янгиобод" маҳалла фуқаролар йиғини маслаҳатчиси Гулҳаё Қурбонова ғолиб деб топилди ва танловнинг республика босқичига йўлланма олди. Унинг тақдимоти "Фуқаролар йиғини ҳудудида маънавий-ахлоқий муҳитни таъминлаш масалалари"га бағишланди.

— Мазкур лавозимда 2 йилдан буён ишлаб келмоқдаман. Фарзандларимизни жисмонан соғлом ва маънан етук инсонлар этиб тарбиялаш, оила — маҳалла — таълим муассасаси ҳамкорлигини янада мустаҳкамлаш, айниқса, маҳалла маслаҳатчиси зиммасига катта масъулият юклайди, — дейди Г. Қурбонова. — Ҳудудимизда 2350 та оила, 8150 нафар аҳоли истиқомат қилади.

Вилоятда 303 нафар маслаҳатчи фаолият кўрсатмоқда. Улар томонидан жорий йилнинг ўтган даврида 245 мингдан зиёд оила, жумладан, 61800 мингдан ортиқ ёш оиладаги ижтимоий-маънавий муҳит ўрганилди. Икки мингдан ортиқ оиладаги турли низоли ҳолатларга барҳам берилишига кўмаклашилди ва 30 дан ортиқ эрта никоҳнинг олди олинди.

Маслаҳатчиларнинг маҳалла фаоллари, профилактика инспекторлари билан ҳамкорликда амалга оширган ишлари натижасида жорий йилда вояга етмаганлар томонидан жиноят содир этиш ҳолатлари 20 тадан 8 тага камайган.

Танловда 10 нафар иштирокчи ўзи истиқомат қилаётган ҳудудда амалга оширилаётган ишлар, эришилаётган ютуқлар тақдимотини намойиш этди. Иш фаолиятига оид тажрибаси, соҳага оид қонун ҳужжатларидан хабардорлиги синовдан ўтказилди.

Нурота тумани, "Орасой" маҳалла фуқаролар йиғини маслаҳатчиси Дилором Рўзиқулова иккинчи, Кармана тумани, "Сардоба" маҳалла фуқаролар йиғини маслаҳатчиси Ҳақиқа Бобомуротова учинчи ўринни эгаллади.

Хуршида НАРЗИЕВА.

Манбаа: kun.uz