вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Янги уйларда файз ва тароват бор

22.12.2014 17:42:52

Навоий вилоятининг Учқудуқ туманида Навоий кон-металлургия комбинатининг Шимолий кон бошқармаси томонидан ёш оилалар учун 48 хонадонга мўлжалланган кўп қаватли уй-жой фойдаланишга топширилди. 4 миллиард сўмдан ортиқ маблағэвазига барпо этилган бинода барча зарур шароитлар яратилди.

Юртбошимиз раҳнамолигида аҳолини ижтимоий қўллаб-қувватлаш, ёш оилаларга алоҳида эътибор ва ғамхўрлик кўрсатиш, пировардида янги оилада улғайиб келаётган навқирон авлодни ҳеч кимдан кам қилмасдан вояга етказиш, уларга барча шароитларни яратишга алоҳида эътибор қаратилмоқда. Мамлакатимизда йилдан-йилга кўлами кенгайиб бораётган бунёдкорлик ишларида замонавий ечим ва миллий архитектура уйғунлиги аҳоли учун манзур бўлмоқда. Вилоятимизда ҳам бунёдкорлик йўналишида муайян ишлар амалга оширилаётир.

Хусусан, Зарафшон шаҳрида кон-металлургия комбинати тизимидаги корхона ва ташкилотларда меҳнат қилаётган шаҳардаги ёш оилалар учун 40 ва 48 хонадонли кўп қаватли уйларнинг барпо этилгани юксак эътибор намунаси бўлди. Учқудуқ туманида ҳам 40 хонадонга мўлжалланган кўп қаватли турар-жой қурилиб, хонадонлар калити ёш оилаларга топширилди.

Учқудуқлик ёш оила соҳиби Ортиқ Файзуллаев кириб келаётган 2015 йилни янги уйда нишонламоқда. Икки хонали шинам хонадонда рўзғор юмушларига енгиллик яратиш мақсадида барча қулайликлар мавжуд.

— Конституциямиз қабул қилинганининг 22 йиллиги арафасида янги хонадонга эга бўлганимиз ёш оилаларга кўрсатилаётган ғамхўрлик ифодасидир, — дейди уй бекаси Маҳбуба Муллаева. — Турмуш ўртоғим кончилик соҳасида самарали фаолият олиб бораётганлиги сабабли меҳнати муносиб қадрланмоқда. Фарзандларимиз билан янги йилни янги уйда кутиб олаётганимиз янада мамнуният бахш этади. Зеро, янги уйларда файз ва тароват бор.

Нуриддин РАҲИМОВ.