вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
19.09.2014 15:25:22
Бундан йигирма уч йил аввал халқимизнинг асрлар давомида қалбида сақлаб келган тарихий орзуси амалга ошди. Ватанимиз мустақил бўлди, элимиз қарамликдан қутулди, бизга озод ва обод, эркин ва фаровон мамлакатда яшаш ҳамда уни фарзандларимизга қолдириш бахти насиб этди.
Биз мустақилликнинг қадр-қиммати ва аҳамиятини босиб ўтилган йиллар билан эмас, балки мана шу даврда қилинган амалий ишлар салмоғи орқали теран ҳис этамиз. Истиқлол туфайли миллий қадриятларимиз қайта тикланди. Аждодларимиз руҳига ҳурмат-эътибор кўрсатилиб, муқаддас қадамжолар обод қилинди. Энг муҳими, одамларимизнинг турмушига мазмун кирди, дунёқараши, онгу тафаккури, ҳаётга бўлган муносабати ўзгарди.
Кўпчиликнинг эсида бўлса керак, мамлакат эндигина мустақилликка эришган йилларда бюджет тақчиллиги 60-65 фоизни ташкил қилар, иқдисодиёт фақат қишлоқ хўжалигига боғланган эди. Ана шу таҳликали ҳолатда ва бугунги кунда, дунёда кечаётган инқироз шароитида ўзининг ишончли эканлигини исботлаган миллий моделимиз эзгу мақсадларимизга бош дастуриламал бўлди.
Шу асосда солиқ сиёсатида олиб борилаётган тизимли ислоҳотларни олиб кўрайлик. Мустақилликнинг илк кунларидан давлатимиз раҳбари томонидан солиқ бюджет сиёсатини амалга оширишда солиқ ставкаларини пасайтириб бориш ва аҳолининг реал даромадларини кўпайтириш, солиқ ставкаларини унификациялаш, солиқ солиш базасини такомиллаштиришда иқтисодий чораларни кўриш орқали солиқ тушумларини ошириб бориш, иқдисодиётда солиқ юкини камайтириш орқали барқарор иқдисодий ривожланишни таъминлаш ва бюджет харажатларининг ижтимоий йўналтирилганлигини кучайтириш асосий йўналиш қилиб белгиланди.
Буларга муштарак тарзда ўша таҳликали пайтларда муҳтарам Президентимиз томонидан мавжуд вазият чуқур таҳлил қилинган ҳолда, миллий банк-молия тизими ҳам тубдан ислоҳ этилди. Дарҳақиқат, республикамизда банк-молия ислоҳотларини янада такомиллаштириш, ривожлантиришда парламент ислоҳотларининг аҳамияти ниҳоятда катта бўлди. Айниқса, икки палатали парламентнинг ташкил этилиши қонунларни қабул қилишда профессионал фаолият юзага келтириб, қонунчилик жараёнининг янада мукаммаллашишига хизмат қилди.
Таъкидлаш жоизки, юртимизда мустақиллик йилларида барча соҳаларда барқарор ривожланишга эришилди. Бутун жаҳонда молиявий-иқтисодий инқироз давом этаётган бир пайтда мустақил Ўзбекистонимизда ялпи ички маҳсулот ўсиш даражаси 8 фоиздан кам бўлмаганлиги, саноат ишлаб чиқариш 8,8 фоиз, қишлоқ хўжалиги 6,8 фоизга ўсгани барчамизга фахр бағишлайди. Жумладан, қишлоқ хўжалигининг бир йўналиши — ғалла етиштиришни таҳлил қилсак, 1991 йилда ўлкамизда жами 940 минг тонна ғалла етиштирилган бўлса, 2013 йилда 7 миллион 610 минг тонна, 2014 йилда 8 миллион 50 минг тоннадан ортиқ сара дон етиштирилди.
Мухтасар айтганда, долзарб масалаларнинг, белгиланган вазифаларнинг изчил ва тизимли ижроси юртимиздаги барқарор юқори иқдисодий ўсиш, аҳоли даромадларининг ортиб бориши ва энг муҳими, турмушимиз ободлигига хизмат қилмоқда.
А. АҲМЕДОВ,
Олий Мажлис Қонунчилик палатаси депутати.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а