вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Муносиб ҳимоя қилишди

30.04.2015 18:38:21

Навоий шаҳрида каратэнинг якка ката ва кумитэ тури бўйича бўлиб ўтган вилоят очиқ чемпионатида Самарқанд, Бухоро, Тошкент вилоятлари иқтидорли ёшлари иштирок этдилар.

Қизғин кечган беллашувда ўқувчи-ёшларимиз вилоятимиз шарафини муносиб ҳимоя қилишди.

Навоий шаҳридаги 16-давлат ихтисослаштирилган умумий таълим мактабининг 2-синф ўқувчиси Дилнура Сатторова биринчи ва иккинчи ўринларни қўлга киритган бўлса, 52 килограммгача бўлган вазн тоифасида эса шу мактабнинг 8-синф ўқувчиси Элбек Сатторов шоҳсупанинг учинчи поғонасини эгаллади. Навоий олимпия заҳиралари коллежи ўқувчиси Маржона Эркинова эса 53 килограммгача бўлган вазн тоифасида каратэнинг ҳар иккала йўналиши бўйича ҳам рақибларига ҳеч қандай имконият қолдирмади. 18 ёшдан ошган ўсмирлар ўртасида эса кумитэ йўналишида Назира Мирзаеванинг қўли баланд келган бўлса, Навоий кончилик касб-ҳунар коллежининг 3-босқич ўқувчиси Севдиёр Нарзуллаев мусобақанинг кумуш медали соҳиби бўлди.

И. БАХРОНОВ.