вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
21.10.2016 17:17:27
Ўзбекистон Республикаси Президенти сайловини ёритиш бўйича Республика матбуот марказида видеоконференцалоқа шаклида ўтказилган амалий семинар мамлакатимиз оммавий ахборот воситалари ходимларининг — журналистларнинг бу йўналишдаги билим ва кўникмасини янада мустаҳкамлаш, тажрибасини ошириш, уларнинг давлат ва нодавлат ташкилотлари билан ҳамкорлик муносабатларини чуқурлаштиришга қаратилди.
Тадбирда миллий ва хорижий оммавий ахборот воситалари вакиллари, Президент сайловини ёритиш бўйича Республика матбуот маркази ҳамда округ сайлов комиссиялари матбуот марказлари ходимлари қатнашди.
Марказий сайлов комиссияси раиси М. Абдусаломов, Олий Мажлис Сенати раиси ўринбосари С. Ортиқова, Олий Мажлиснинг Инсон ҳуқуқлари бўйича вакили (Омбудсман) У. Муҳаммадиев ва бошқалар Ўзбекистон Республикаси Биринчи Президенти Ислом Каримов бошчилигида юртимизда ҳуқуқий демократик давлат ва эркин фуқаролик жамияти барпо этиш, мамлакатимиз ҳаётининг барча соҳаларини тубдан янгилаш ва модернизация қилиш борасида амалга оширилган ислоҳотлар жараёнида фуқароларнинг ўз хоҳиш-иродасини эркин билдириш, сайлаш ва сайланиш бўйича Ўзбекистон Республикаси Конституциясида мустаҳкамлаб қўйилган асосий сиёсий ҳуқуқларини тўлиқ таъминлаб келаётган, демократик стандартларга ҳар томонлама мос бўлган сайлов тизими яратилганини таъкидлашди.
5-Навоий округ сайлов комиссияси томонидан аккредитациядан ўтказилган журналистлар ҳам вилоятдошларимизни доимий равишда сайлов кампаниясининг бориши тўғрисида хабардор этиб келаяпти. "Дўстлик байроғи" ва "Знамя дружбы" газеталари, туман ва шаҳарларнинг ижтимоий-сиёсий нашрларида сайловчиларнинг ҳуқуқий саводхонлигини ошириш мақсадида "Савол беринг, жавоб берамиз" рукни ташкил этилган. Мавзуга доир давра суҳбатлари ва таҳлилий мақолалар чоп этилаяпти. Вилоят телевидениеси ва радиосида "Дахлдорлик туйғуси билан" деб номланган туркум кўрсатув ва эшиттиришлар эфирга узатилмоқда.
Амалий семинарда сайловга тайёргарлик кўриш ва уни ўтказишда очиқлик ва ошкораликни таъминлашда сайлов комиссиялари ва журналистларнинг долзарб вазифалари, мамлакатимиз миллий сайлов тизими ҳамда бу борадаги қонунчилик мазмун-моҳиятини аҳоли ўртасида кенг тушунтириш ишларини ташкил этиш, сайлов кампаниясини ёритишда журналистика жанрлари имкониятларидан, замонавий медиа технологиялардан самарали фойдаланиш, сайлов комиссиялари билан ҳамкорликни янада кучайтириш каби масалалар атрофлича муҳокама қилинди.
Холбиби САФАРОВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а