вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Маънавият — юксак маданият белгиси

26.08.2017 14:57:41

Ўзбекистон Республикаси Президенти Ш. Мирзиёев "Адабиёт ва санъат, маданиятни ривожлантириш халқимиз маънавий оламини юксалтиришнинг мустаҳкам пойдеворидир" мавзусидаги видеселекторда таъкидлаганидек, бу соҳада амалга оширилиши зарур бўлган долзарб вазифалар турибди. Буни бажариш ҳар бир ижодкордан, зиёлидан масъулият, бурч, ватанпарварликни талаб қилади.

Шунингдек, йиғилишда маданият ва санъат йўналишидаги барча ўқув юртлари, таълим муассасалари фаолиятини тубдан қайта кўриб чиқиш зарурлиги ҳам қайд этиб ўтилди. Албатта, бу вазифаларни амалга ошириш маданият ва санъат соҳасини янада юксалтиради, янги малакали, ёш кадрлар билан тўлдиради.

Бу борада туман маданият бўлимида ҳам давлатимиз раҳбари белгилаб берган устувор вазифалар асосида иш олиб борилаётир. Бугунги кунда бўлим тасарруфида "Дўстлик", "Сарибел", "Шўркўл" маданият ва аҳоли дам олиш маркази, тарих ва ўлкашунослик музейи ҳамда 4-сонли мусиқа ва санъат мактаби 29500 нафар аҳолига фаолият кўрсатмоқда. Маданият ва аҳоли дам олиш марказларида ашула ва рақс, ашула ва вокал, драма ва бадиий ўқиш, халқ чолғу асбоблари каби 10 та тўгаракда 173 нафар санъат ихлосманди шуғулланади. "Жас тулек" ва "Сарибел сази" халқ ансамбли, бадиий жамоа ва тўгарак иштирокчилари, ҳаваскорлардан ташкил топган "Ай-Хай-Шу" кулгу театри, "Дидар", "Би-Кен-Бойс" рақс гуруҳларининг йигит-қизлари нафақат туман ва вилоятдаги, балки республика миқёсидаги тадбирлар, кўрик-танловларда ўз дастурлари билан фаол қатнашиб келмоқда.

Мустақиллик йилларида кўрсатилган эътибор ва ғамхўрлик натижасида уч нафар ходимимиз давлат мукофотларига сазовор бўлди. Соҳир овоз соҳиби, "Шуҳрат" медали совриндори Қ. Жўрақулов, "Дўстлик" ордени соҳибаси Нургул Назарбаева Ўзбекистонда хизмат кўрсатган маданият ходими, Қорақалпоғистонда хизмат кўрсатган артист, Муқимбай Раджапов эса Қорақалпоғистонда хизмат кўрсатган артист унвони билан тақдирланди.

Ҳозирги кунларда Мустақиллигимизнинг 26 йиллигини муносиб нишонлаш мақсадида байрам тадбирларига қизғин тайёргарликни бошлаб юборганмиз. Турли миллат вакилларидан иборат туман аҳолиси учун байрам тадбирларидаги дастурларимиз ранг-баранглиги билан ҳам эътиборли бўлади. Бунинг учун тумандаги касб-ҳунар коллежлари, умумтаълим мактабларидан 175 нафар ўқувчини жалб этганмиз.

Ф. САДИРОВА,

туман маданият бўлими мудири.

Манбаа: dustlikbayrogi.uz