вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
21.04.2017 17:24:47
Кармана туманидаги "Ёшлик" спорт мажмуасида кикбоксинг бўйича ўсмирлар ва ёшлар ўртасида вилоят чемпионати бўлиб ўтди. Унда 180 нафар ёш спортчи куч ва маҳоратини синовдан ўтказди.
Қизғин руҳда кечган мусобақада Навоий, Зарафшон шаҳарлари, Кармана, Хатирчи, Қизилтепа туманлари ёшлари фаол иштирок этишди. Асосий ғолиблик медалларига Навоий шаҳри вакиллари эгалик қилишди. Жумладан, Дилшод Туробов, Лазиз Қаршиев, Назарбек Маҳмудов, Сирож Эшмўминов, Дониёр Усмонов ва бошқалар рақибларидан устунликларини яққол кўрсата олишди. Умумжамоа ҳисобида навоийликлар 1-ўринни қўлга киритди. 2-ўрин Зарафшон шаҳри, 3-ўрин эса Кармана тумани спортчиларига насиб этди.
— Кикбоксингга қизиқиш йилдан-йилга ортиб бораётгани қувонарли, — дейди мусобақа бош ҳаками, кикбоксинг бўйича вилоят терма жамоаси бош мураббийи Юсуф Эргашев. — Бундан икки йил аввал Навоий шаҳридаги 18-умумий ўрта таълим мактабида кикбоксинг тўгараги фаолият бошлаган эди. Ўшанда шуғулланувчиларимиз сони юз нафарга етарди. Бугунги кунда эса кикбоксингчи ўсмирлар ва қизлар сони тўрт юз нафардан ошган. Мусобақада ҳам ёш спортчиларнинг бор ғайрати билан қатнашаётгани уларнинг бу спорт турига бўлган қизиқиши катталигини кўрсатиб турибди. Жорий йил июнь ойида Ўзбекистон чемпионати ва августда Ашхободда Осиё ўйинлари бўлиб ўтиши кутилмоқда. Бугунги мусобақа кейинги ўйинларга тайёргарлик вазифасини ўтаётгани билан ҳам аҳамиятли бўлди. Ёшларимиз келгуси мусобақаларда ҳам муносиб қатнашишади, деган умиддамиз.
Вилоят чемпионати сўнгида ғолиб ва совриндорлар диплом, медаль, эсдалик совғалари билан тақдирланди.
Зулфия БОБОЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а