вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
14.06.2016 11:58:10
"Ёшлар маркази"да истеъдодли ўқувчи-ёшларни қўллаб-қувватлаш мақсадида анъанавий тарзда ўтказиб келинаётган "Юрт келажаги" республика кўрик-танловининг вилоят босқичи бўлиб ўтди.
Унда 14 ёшдан 25 ёшгача бўлган юз нафардан ортиқ йигит-қиз иштирок этди.
Қатнашчилар архитектура ва дизайн, адабиёт ва публицистика, тасвирий ва амалий санъат ҳамда ахборот технологиялари, рационализаторлик таклифлар ва техник ишланмалар йўналишларида ўз иқтидорларини намойиш этишди. Ўқувчи, талаба-ёшларнинг ижодий ишларида миллий анъаналаримизга содиқлик, Ватанга бўлган чексиз муҳаббат сезилиб турди. Жумладан, Кармана туманидаги 5-умумтаълим мактаб ўқувчиси Рухсора Райимованинг "Қизлар давраси", "Она ва бола", "Хаёл" мавзусидаги миниатюралари, навбаҳорлик рассом қиз Ҳулкар Баҳронованинг портрет, табиат манзаралари, "Фарҳод" маданият саройидаги квилинг — қоғоздан аппликация ясаш тўгараги аъзоси Зумрад Жўраеванинг қадриятларимиз акс этган ишлари, карманалик Маҳлиё Содиқованинг дўппидўзлик, Навоий шаҳридан Бекзод Абдусалимовнинг ҳайкалтарошлик намуналарини йиғилганлар завқ ва қизиқиш билан кузатишди.
— Қоғоздан Нурота кашталарини ифодалашда бир ярим ой вақт сарфладим, — дейди биз билан суҳбатда З. Жўраева. — Лекин ишимни тугатгач, жуда ҳам хурсанд бўлганман. Квилингда сабр-тоқат, дид, сезгирлик муҳим саналади. Ҳар бир шаклни аввал ўлчаб, аниқ белгилаб, кейин ясашга киришамиз. Тарихий мавзуда ишлашни ёқтираман. Келажакда машҳур обидаларимизни қоғозда нафислик билан акс эттириш ниятим бор.
Амалий санъат йўналиши қатнашчиси Элёр Раҳматовнинг оддий хамирни қотириб, унга турли нақш ва гулларни ифодалаши, совға сифатида фойдаланиш мумкин бўлган ажойиб тарзда ясалган сувинерлари томошабинларни ҳайратлантирди.
— Амалий санъатнинг яна бир янги тури оддий тахтани "куйдириб", унда она-Ватанимиз манзараларини акс эттиришни бошладим, - дейди истеъдод соҳиби Э. Раҳматов. — Ҳали буни янада такомиллаштиришни режалаштирганман. Бу нафақат кўргазмаларда, балки уй деворларини безашда ҳам асқотади. Оилада уч нафар фарзандмиз. Кичик укам Жавоҳир ҳам санъат ихлосманди. Дадам Ихтиёр Туробов бизнинг интилишларимизни доим қўллаб-қувватлаб, имкон яратиб берадилар. Келгусида ота-онам ишончини оқлаб, етук инсон бўлишга аҳд қилганман.
Архитектура ва дизайн йўналишида қатнашган ўқувчиларнинг маҳорати, орзу-интилишлари улар ясаган бино макетларида акс этди. 6-умумтаълим мактаби 8-синф ўқувчиси Фирдавс Шомуродов макети "Осиё меҳмонхонаси" деб номлаган. Етти қаватли бу бинонинг томида кўркам боғ барпо этилгани ўқувчининг дунё меҳмонхоналаридан қолишмаган масканларни юртимизда ҳам яратиш орзуси билан яшаётганининг исботи. Шунингдек, зарафшонлик Шодиёр Бахтиёров нулуфар гул шаклидаги меҳмонхонаси, карманалик Улуғбек Холмуродовнинг ердан унумли фойдаланишни кўзда тутган, томида ҳам экин экиш имкони бор бир қаватли уй макети ноанъанавийлиги билан ажралиб туради.
— Макетимда қишлоқ жойларида қурилаётган уй-жойларнинг модернизациялашган шаклини яратишга ҳаракат қилдим, — дейди яна бир иштирокчи, НДПИ қошидаги компьютер ва ахборот технологиялари академик лицейи 1-курс ўқувчиси Ҳусан Аҳмедов. — Бунда ҳамма нарса автоматик тарзда бошқарилади. Масалан, қуёш чиққач, ҳовли, кўчани ёритиб турган фонарлар ўз-ўзидан ўчади. Машина яқинлашиши билан кимнингдир дарвозани очишига ҳожат йўқ. Бу ҳам автоматик бажарилади. Келгусида юртимиз чиройига чирой қўшувчи ўзгача дизайндаги меҳмонхоналар, миноралар барпо этишни орзу қиламан.
Фестивалда назм йўналишида нуроталик Сардор Салимов, публицистикада Умид Худойқуловлар ғолибликни қўлга киритди. Тақдирлаш маросимида барча турлар бўйичағолиб ва совриндорларга диплом, фахрий ёрлиқ, эсдалик совғалари топширилди.
Зулфия БОБОЕВА,
Сурат муаллифи Сирож АСЛОНОВ.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а