вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
30.05.2017 17:31:21
"Юксак маънавиятли авлод" фестивалининг вилоят босқичи Навоий шаҳридаги "Ёшлар маркази"да тантанали тарзда ўтказилди.
Бугунги кунда амалга оширилаётган кенг кўламли ислоҳотларнинг моҳиятини ёшлар ўртасида татбиқ қилиш, улар қалбида Ватанга муҳаббат ва садоқат, инсонпарварлик фазилатларини тарбиялаш, миллий урф-одат, анъана ҳамда қадриятларга нисбатан ҳурмат ва эҳтиромини шакллантириш мақсадида ташкил этилган мазкур тадбирда вилоятимизнинг шаҳар ҳамда туманларидаги иқтидорли ёшлар иштирок этишди.
Дастлаб, улар учун "Ёшлар маркази"да китоблар кўргазмаси ташкил этилиб, шундан сўнг йўналишлар бўйича чиқишлар бошланди.
— Фестивалда 14 ёшдан 25 ёшгача бўлган 1500 дан ортиқ ёшлар қамраб олинди, — дейди вилоят маънавият тарғибот бўлими мутахассиси Саида Исроилова. — Улардан 24 нафари "Бадиий ижод", "Ўзбекистон Республикаси Биринчи Президенти асарлари билимдони", "Мустақиллик тарихи билимдони", "Энг иқтидорли ҳунарманд", "Ўз асарида миллийликни акс эттирган рассом", "Ўз асарида миллийликни акс эттирган дизайнер" "Ватан куйчиси", "Юксак маънавиятли авлод" каби номинацияларда ўз билим ва истеъдодларини намойиш этишди. Фестивалнинг ҳар томонлама истеъдодли, қобилиятли ёшлар сафини кенгайтиришга хизмат қилгани барчамизга қувонч бағишлади.
Тадбир иштирокчилари ясаган ҳунармандчилик намуналари, тикилган кашталардан тортиб, тўқилган гиламлар, юмшоқ ўйинчоқлар, тайёрланган мавсумбоп оёқ кийимлар, архитектура ва тасвирий санъат намуналари барчанинг эътиборини тортди. Айниқса, ёддан ўқилган бадиий ижод намуналари, куйланган қўшиғу ижро этилган рақслар йиғилганларга байрамона кайфият бахш этди.
— Мен Нурота туманининг "Fозғон" массивиданман, — дейди Навоий давлат кончилик институти талабаси Нурбек Ҳамроев. — Азалдан ота-боболарим каби мармартош билан ишлашга қизиқаман. Ҳудудимизда алоҳида ҳунармандчилик мактаби ҳам ташкил этилган. Ҳар доим устозим Мадёр Камоловдан мармартош билан ишлаш сирларини чуқурроқ ўрганишга ҳаракат қиламан. Бугун фестивалда ўзим ясаган буюмларим билан қатнашаяпман. Мармартошли чойнак, пиёла, товоқларимни энг яхши совға ўрнида ишлатиш мумкин. Гул учун ваза, шамдонлардан эса аёллар уй шароитида фойдалансалар бўлади.
— Каштачилик бувиларимиздан бизга улкан маънавий меросдир, — дейди яна бир иштирокчи Дилшода Ибодуллаева. — Биз оиламиз билан кашта тикамиз. Онам доим, қиз боланинг ҳунари унга янада зеб беради, дейди. Мен қайси тадбир, танловга қатнашмай, ўзим тиккан каштагулли кўйлакларни кийиб бораман. Бу миллатимизнинг ўзига хос, миллий либоси бўлгани учун ҳам ҳамманинг кўзи қувнайди.
Фестиваль сўнгида ҳакамлар ҳайъати томонидан ҳар битта йўналиш бўйича ғолиблар аниқланиб, мамлакат босқичига йўлланма берилди. Шунингдек, уларнинг барчаси диплом ва эсдалик совғалари билан тақдирланишди.
Зебо ҚУТЛИЕВА.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а