вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Юксак ишончни оқлаш керак!..

06.01.2018 18:01:58

Давлатимиз раҳбари Шавкат Мирзиёевнинг Олий Мажлис Сенати ва Қонунчилик палатаси аъзоларига Мурожаатномасини катта қизиқиш билан тингладим.

Президентимиз ташаббуси билан 2018 йил юртимизда "Фаол тадбиркорлик, инновацион ғоялар ва технологияларни қўллаб-қувватлаш йили" деб эълон қилиниши тадбиркорлар учун юксак эътибор, ғамхўрлик ва ҳимоя бўлди.

Юртбошимизнинг "Элни тадбиркор боқади, иш ўрнини тадбиркор яратади. Тадбиркор кўп бўлса, эл бой бўлади", деган фикрлари биз каби кичик бизнес вакилларига юксак ишонч билдираётганидан далолат.

Корхонамиз ўз фаолиятини бошлаганида 5-6 киши ишлар эди. Бугунга келиб эса бу ерда 50 нафардан зиёд қиз доимий иш билан таъминланди. Тижорат банкларининг кредит маблағлари ҳисобидан хориждан зарур ускуналарни олиб келдик, ишлаб чиқариш ҳажми ортди. Маҳсулотларимиз асосан ички бозорга чиқарилмоқда, янги шартномалар тузяпмиз. Аммо булар билан чекланиб қолишни истамай, ип-газлама маҳсулотларига хорижда қизиқиш катта эканини билиб, янги ҳамкорлар билан экспортни йўлга қўйишни орзу қилардим. Президентимизнинг маърузалари менга қанот бўлди, орзуларимни амалга оширишда ҳеч бир тўсиқ йўқлигини ҳис қилдим. Давлатимиз раҳбарининг сўзлари ўзимга ишончимни оширди. Янги режалар, мақсадлар сари бошлади.

Тадбиркорларнинг бундай ҳимоя остига олиниши сафимизни янада кенгайтиради, соғлом рақобатни юзага келтиради, маҳсулот сифати яхшиланади, ишлаб чиқариш ҳажми ортади ва иш ўринлари кўпаяди. Халқимиз бойиса, юртимизда тўкинчилик, фаровонлик ортади. Шу маънода, юртбошимизнинг ҳар бир сўзлари узоқ келажакни кўзлаб айтилган пурмаъно фикрлар эканлигига амин бўлдим.

Тадбиркорга катта ғамхўрлик кўрсатилди. Улкан ишонч билдирилди. Бу бизни янада масъулият ва ғайрат билан ишлашга чорлаши керак!

Н. БАҚОЕВА,

Қизилтепа туманидаги "Ишчи кийим таъминот" хусусий

корхонаси раҳбари.

Манбаа: dustlikbayrogi.uz