вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Янги ғоя, янги ташаббус билан...

09.08.2017 11:14:43

Президентимиз Шавкат Мирзиёевнинг "Адабиёт ва санъат, маданиятни ривожлантириш — халқимиз маънавий оламини юксалтиришнинг мустаҳкам пойдеворидир" мавзусидаги видеоселекторида иштирок этиб, масъулиятим янада ошди дея оламан. Давлатимиз раҳбари таъкидлаганларидек, соҳаларда амалга оширилиши керак бўлган қатор вазифалар турибди ва буни бажариш ҳар бир ижодкордан масъулият, бурч, ватанпарварликни талаб қилади.

Йиғилишда мамлакатимизда маданият, адабиёт ва санъат бўйича эришилган ютуқлар билан бирга бугунги кунда уларнинг халқ ичига кириб бориши, маънавиятимизни бойитишга ҳисса қўшиш, ОАВ билан ҳамкорликни кучайтириш, жаҳон талабларига мос равишда ижодий асарлар яратишга оид масалаларда қатор камчиликлар борлиги танқидий баҳоланди. Бу ҳаммаси бор гап. Ижодкорларда янги ғоя, ташаббус, қайноқ қалблик етишмаслиги ҳам бунга сабаб эканлиги тўғри қайд этилди. Шунингдек, Президентимиз маданият соҳасидаги камчиликлар туб илдизини таҳлил қилиб, бу нарса малакали кадрлар масаласига бориб тақалишини куюнчаклик билан тилга олдилар. "Таҳлиллар шуни кўрсатмоқдаки, ҳозирги вақтда маданият ва санъат муассасаларида меҳнат қилаётган кадрларнинг 50 фоиздан зиёди олий маълумотга эга эмас. Бунинг асосий сабаби, институтларни битириб жойларга ишга бораётган кадрларга зарур шароит яратиб берилмаган. Ўйлайманки, ҳозирги кунда маданият ва санъат аҳлида фаоллик, янги-янги ижодий ғоя ва ташаббуслар билан яшаш, изланиш руҳи етишмаётганини ўзларингиз ҳам ҳис қилиб турибсиз", дея таъкидлади давлатимиз раҳбари.

Аввало, маданият ва санъат йўналишидаги олий ўқув юртлари, лицей ва коллежлар, мусиқа ва санъат мактабларининг фаолиятини тубдан қайта кўриб чиқиш зарурлиги айтилди. Президентимизнинг маданият ва санъат, абадиётга бўлган бундай кенг эътиборлари бесамар кетмаслиги аниқ. Йиғилиш бизни руҳлантириб, янги ғоялар билан яшашга, маданият, санъат ривожига ҳисса қўшишга ундагани билан аҳамиятли бўлди.

Суннат БОБОҚУЛОВ,

вилоят маданият бошқармаси бош мутахассиси.

Манбаа: dustlikbayrogi.uz