вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

"Қизилқумцемент"да чинакам бунёдкорлар меҳнат қилишади

07.12.2014 14:11:45

Ўзбекистон Республикаси Конституциясида ҳуқуқий жиҳатдан мустаҳкамланган тараққиёт ва юксалиш имкониятлари ҳамда уларнинг ҳаётбахш самараларини “Қизилқумцемент” акциядорлик жамиятида амалга оширилаётган бунёдкорликлар мисолида яққол кўриш мумкин.

Мамлакатимизнинг энг йирик цемент ишлаб чиқариш корхонасида бугунги кунда 3,5 минг нафардан ортиқ ишчи-хизматчиларнинг унумли меҳнат қилишлари ва фаровон турмуш кечиришлари учун барча шарт-шароит ва қулайликлар яратилганлиги таҳсинга сазовордир. Шунинг учун ҳам бу ерда ҳар йили лойиҳа қувватидаги 3 миллион 80 минг тоннадан ортиқ юқори сифатли “қурилиш нони” ишлаб чиқарилиб, республикамиз қурилишларига етказиб берилаяпти. Шунинг баробарида корхонани модернизациялаш ва янги қувватларни қуриб, ишга туширишга жиддий эътибор қаратилаётганлиги ҳам ўзининг ижобий натижаларини бермоқда. Жумладан, яқинда қурилиш-монтаж ишлари ниҳоясига етказилган 7-цемент тегирмони корхонада маҳсулот ишлаб чиқариш ҳажмини йилига 350 минг тоннага кўпайтириш, шунингдек, келгусида истеъмол бозорида харидоргир М500 маркали цемент ишлаб чиқаришга киришиш имконини яратди.
Ўзбекистон Республикаси Конституцияси қабул қилинганлигининг 22 йиллиги арафасида акциядорлик жамиятида мазкур ишлаб чиқариш йўналишининг ишга туширилишига бағишланган тантанали маросим бўлиб ўтди.
– Янги объект қурилиш бўлинмамиз томонидан бунёд этилди, – дейди корхона директорининг капитал қурилиш бўйича ўринбосари Мурод Исломов. – Бу энг аввало заводнинг янада барқарор ишлашига хизмат қилади. Шунингдек, корхона маҳсулот ишлаб чиқариш қувватининг сезиларли даражада оширилишини таъминлайди. Бошқача бўлиши ҳам мумкин эмас. Чунки, истиқлол йилларида улкан қурилиш майдонига айланган мамлакатимизда бизнинг маҳсулотимизга бўлган талаб тобора ортиб бормоқда.
Тантанали тадбирда Навоий вилояти ҳокимининг биринчи ўринбосари Али Эшонқулов ҳамда шаҳар ҳокими Неъматилло Ахатовлар иштирок этиб, цементчиларни конституциямизнинг 22 йиллиги ҳамда янги иншоотнинг ишга туширилиши билан қутлашди.

Олим ХЎЖАЕВ.