вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
11.08.2017 12:08:15
Ҳар бир ҳудуднинг тараққиёти бевосита маҳсулот ишлаб чиқаришга боғлиқ. Шуни эътиборга олган ҳолда туманимизни ижтимоий-иқтисодий ривожлантиришга асосий эътибор қаратиб келмоқдамиз. Жумладан, ўтган йилнинг мос даврига нисбатан саноат маҳсулотлари ишлаб чиқариш 110,8 фоизга, истеъмол моллари 106,7 фоизга, қишлоқ хўжалиги маҳсулотлари етиштириш 104,6 фоизга, асосий капиталга инвестиция жалб этиш 107,4 фоизга, пудрат ишлари ҳажми 109 фоизга, жами хизматлар ҳажми 108 фоизга бажарилиб, 268,5 минг АҚШ долларлик маҳсулотлар экспорт қилишга эришилди.
Туманимиз чўл ҳудудда жойлашганлиги учун чорвачилик аҳолининг муҳим даромад манбаи ҳисобланади. Жорий йилда туманимизда аҳоли хонадонлари ва хўжаликларда 251,1 минг бош майда шохли мол, 2,9 минг йирик шохли мол, 4,1 минг бош йилқи боқилмоқда. 5647 тонна тирик вазндаги гўшт, 47,3 минг дона қоракўл териси, 408 тонна жун етиштирилди.
Президентимизнинг 2017 йил 16 мартдаги "Чорвачиликда иқтисодий ислоҳотларни чуқурлаштиришга доир қўшимча чора-тадбирлар тўғрисида"ги қарори ижроси юзасидан амалга оширилган ишлар туфайли ширкат хўжаликлари ўрнида фермер хўжаликлари ташкил этиш ишлари уюшқоқлик билан олиб борилмоқда. Бугунги кунгача 241 та лойиҳа "кимошди" савдоси орқали сотилгани фикримиз тасдиғидир. Бундан кўзланган мақсад, албатта, чорвачилик тармоғини ривожлаштириш ва янги иш ўринлари ташкил этишдир.
Жорий йилда саноат ишлаб чиқаришни ривожлантириш учун 13 та, қишлоқ хўжалиги соҳасида 11 та, сервис ва хизмат кўрсатиш бўйича 46 та лойиҳани ишга тушириш белгиланган.
Дарҳақиқат, ишбилармонлик ва тадбиркорликни ривожлантириш бугун давлатимиз сиёсатининг устувор йўналишларидан саналади. Шуни эътиборга олган ҳолда тумандаги 141 та юридик мақомга эга тадбиркорлик субъекти (90 та кичик бизнес субъекти) фаолиятини янада ривожлантириш, уларни қийнаб келаётган муаммоларни ҳал этишга асосий эътибор қаратмоқдамиз. Негаки, тадбиркорлик субъектлари ривожланса янги иш ўринлари ташкил этишда муаммолар юзага келмайди. Агро-иқтисодиёт касб-ҳунар коллежини битирган 55 нафар битирувчини ишга жойлаштириш учун 4 томонлама шартномалар тўлиқ тузилганлиги фикримиз тасдиғидир.
Бундан ташқари, марказдан олис овулларда яшайдиган аҳолини тадбиркорликка жалб этиш мақсадида 210 нафар кам таъминланган, ишсиз оилаларга 901 миллион сўм миқдорида кредитлар берилди. Мазкур фуқаролар ўзларининг хонадонларини чорва молларини кўпайтириш устида иш олиб бораётгани, оиласига яхшигина даромад келтираётганини кўриб, қувониб кетасан, киши.
Ҳа, давлатимиз томонидан яратилаётган имкониятлар туфайли халқимизнинг турмуш фаровонлиги кундан-кунга ортиб бораётгани истиқлол шарофатидандир.
Сарвар САФАРОВ,
туман иқтисодиёт бўлими бошлиғи.
Манбаа: dustlikbayrogi.uz
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а