вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Истиқболли ҳужжат

26.05.2017 10:53:54

Табиий, экологик тоза ва қайта тикланувчи энергия манбаи бўлган гидроэнергетика ресурсларидан фойдаланишни ҳар томонлама кенгайтиришда ҳукуматимиз томонидан қатор ишлар амалга оширилаётгани эътирофга лойиқ.

Бу юмушлар саноат корхоналари, қишлоқ хўжалиги ва аҳолининг ушбу неъматга бўлган эҳтиёжини қоплаш, ёқилғи захираларидан оқилона фойдаланиш ва уларни тежаш, атрофга зарарли чиқиндилар чиқарилишини камайтиришга қаратилган.

Маълумки, республикамизда ҳозирда фаолият юритаётган электр станцияларининг аксарияти ўтган асрнинг ўрталарида ишга туширилган, табиийки, бугун улар техник ва технологик қайта жиҳозлашга, реконструкцияга муҳтож. Президентимиз Ш. Мирзиёевнинг 2017 йил 2 майдаги 2017-2021 йилларда гидроэнергетикани янада ривожлантириш чора-тадбирлари дастури тўғрисидаги қарори ҳамда жорий йил 18 майдаги "Ўзбекгидроэнерго" акциядорлик жамиятини ташкил этиш тўғрисида"ги Фармони гидроэнергетикани ривожлантиришга хорижий инвестицияларни кенг жалб этиш, электр энергиясига бўлган эҳтиёжни тўлиқ қондиришни таъминлаш мақсадида барча гидроэлектростанцияларни бирлаштирувчи жамият ташкил этишни кўзда тутган. Мазкур ташкилот электр энергияси ишлаб чиқариш соҳасида ягона техник сиёсатни амалга оширади, соҳа салоҳиятини ўзлаштириш асосида уни ривожлантириш дастурларини ишлаб чиқади, йирик, ўрта, кичик ва микро гидроэлектростанцияларни лойиҳалаштиради ва қуради, модернизациялаш бўйича инвестиция лойиҳаларини амалга оширади.

Хуллас, давлатимиз Президентининг юқоридаги Фармони, қарори ҳамда соҳага тегишли бошқа қабул қилинган қонунчилик ҳужжатлари республикамизнинг энергетика мустақиллигини кучайтириш, истиқболини таъминлаш, гидроэлектростанциялардан самарали ва хавфсиз фойдаланиш орқали юртимизда ягона гидроэнергетика соҳасини яратиш йўлида улкан қадам саналади.

Истам ҲАМРОЕВ,

"Навоий ИЭС" акциядорлик жамияти ахборот хизмати котиби.

Манбаа: dustlikbayrogi.uz