вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
13.08.2015 10:03:50
Мулкдор бўлиш учун сармоянинг ўзи камлик қилади. Интилиш ва изланиш, мавжуд имкониятларни тўғри баҳолай олиш ва улардан унумли фойдаланиш ҳам бизнес ривожида муҳим омил саналади. Кейинги йилларда Учқудуқ туманида бунёдкорлик ишлари кенг қулоч ёймоқда. Барпо этилаётган иншоотлар учун кўплаб қурилиш материаллари зарур бўлади. Уларни бошқа ҳудуддан ташиб келиш эса бироз қимматга тушади.
Буни тушуниб етган "Учқудуқ Жаҳонгир" фермер хўжалиги раҳбари Абдулазиз Раҳматов шу ернинг ўзида қурилиш материаллари, жумладан, шлакоблок ҳамда йўлаклар учун брусчаткалар ишлаб чиқаришни йўлга қўйди. Яқинда Хитой давлатидан 8,5 минг АҚШ долларига шлакоблок ишлаб чиқариш ускунасини келтириб ўрнатган тадбиркор бугун ўз мижозларига эга.
— Ускунамиз кунига 1500 дона шлакоблок ишлаб чиқариш қувватига эга. Ҳозирда ҳар куни 1000 дона маҳсулот ишлаб чиқариб, уларни тумандаги қурилиш фирмаларига етказиб бераяпмиз. Бу билан 3 та янги иш ўрни ҳам яратилди. Маҳсулотимиз харидоргир. Чунки қурувчиларга ташиб келишдан кўра, биздан сотиб олиш арзонга тушади. Агар шундай ишлашда давом этсак, узоғи билан уч ойда ускунанинг нархи қопланади, — дейди А. Раҳматов.
Асли Бухоро вилоятининг Fиждувон туманидан бўлган Навбаҳор Боймуродова эса ёшлигидан тикувчилик, зардўзилик ҳунарини эгаллаган эди. Учқудуқ шаҳрига кўчиб келгач, шу ҳунарини ривожлантиришни мақсад қилиб, "Ҳунарманд" уюшмасининг туман бўлимига аъзо бўлди. Бўлим раҳбари Зебунисо Шарипованинг кўмаги билан бозордан жой олиб, ўз бизнесини йўлга қўйди.
— Бизнинг касбда дизайн асосий роль ўйнайди. Тиккан кийимингизнинг дизайнини мижознинг ёшига мос равишда тўғри танлай олсангиз, маҳсулотингиз ҳам харидоргир бўлади. Ҳозирда мавсумга қараб, аёлларимиз учун кўйлак ва халатлар, уйларга пардалар тайёрлаяпмиз, — дейди Н. Боймуродова.
Хуллас, ишбилармонлиги орқали мулкдорга айланаётган юқоридаги каби тадбиркору ҳунармандлар сабаб туманда кичик бизнес ва хусусий тадбиркорлик соҳаси ривож топиб бораяпти. Уларнинг хизматлари эвазига эса туман аҳолисининг оғири енгил, дастурхони тўкин бўлмоқда.
Хушнуд БЕКМУРОДОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а