вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
18.05.2017 18:16:11
Халқ депутатлари Қизилтепа туман Кенгашининг навбатдан ташқари сессияси бўлиб ўтди. Сессияни туман ҳокими Ш. Набиев бошқариб борди.
Депутатлар, корхона, ташкилот ҳамда муассасалар раҳбарлари, ОАВ вакиллари қатнашган йиғилиш очиқ ва ошкоралик руҳида бўлиб ўтди.
145 минг нафардан ортиқ аҳоли истиқомат қилаётган Қизилтепада ички ишлар, соғлиқни сақлаш, таълим соҳалари, маҳалла фуқаролар йиғини билан боғлиқ ечимини кутаётган муаммолар мавжуд. Мисол учун, айни пайтда қизилтепалик 3,5 минг нафардан ортиқ фуқаро иш излаб четга чиқиб кетган бўлса, уларнинг қарийб 600 нафари аёллардир. Бу ҳудудда аҳолини иш билан таъминлаш, хусусан, хотин-қизларни ишга жойлаштириш масаласида анчагина муаммолар борлигини кўрсатади. Айрим маҳаллаларда хорижга кетганларнинг сони 50 нафардан ҳам ортиқ.
Туманда жиноятчилик борасида ҳам бир қатор ташвишланарли ҳолатлар юзага келмоқда. Жорий йилнинг 4 ойи давомидаги жиноятларни таҳлил қиладиган бўлсак, жиноятчиликнинг айрим турлари — фирибгарлик, босқинчилик, қасддан оғир тан жароҳати етказиш ортмоқда.
Профилактика борасидаги яна бир муаммо — ҳозиргача спиртли ичимликка ружу қўйган 150 нафар фуқарони мажбурий даволанишга юбориш масаласидир. Ўтган 4 ой давомида уларнинг 13 нафаригина даволанишга юборилган, холос. Даволаш муассасаси вилоят бўйича бир жойда жойлашганлиги, бор-йўғи 40 ўринга мўлжалланганлиги мазкур масала вилоят миқёсида ҳал этилиши керак бўлган муаммо эканлигини ҳам кўрсатади.
Сессияда яна бошқа бир қатор хато-камчиликлар ҳам муҳокама қилинди. Кун тартибидаги масалалар юзасидан масъул раҳбарларга мавжуд муаммоларни бартараф этиш борасида нима ишлар амалга оширилаётгани ҳамда келгусида яна қандай чора-тадбирлар белгиланиши хусусида саволлар берилди. Афсуски, айрим мутасаддиларнинг умумий гапдан нарига ўтмагани уларнинг ҳақиқий ҳолатдан тўлиқ хабардор эмаслигини ҳам кўрсатди.
Сессияда Олий Мажлис Сенати раиси Н. Йўлдошев иштирок этди.
Озод МУСТАФОЕВ.
* * *
Халқ депутатлари Кармана туман Кенгашининг навбатдан ташқари XXXIII сессиясида Ўзбекистон Республикаси Олий Мажлиси Сенати ва Қонунчилик палатаси вакиллари ишчи гуруҳининг туманни ижтимоий-иқтисодий ривожлантириш дастурининг бажарилишини ўрганиш ва жойларда аҳоли билан учрашувлар, ишлаб чиқариш, таълим муассасалари, тадбиркорлик субъектларида ўтказган мониторинги натижалари муҳокама қилинди. Унда гуруҳ аъзолари, шунингдек, халқ депутатлари вилоят Кенгаши депутатлари, корхона, ташкилотлар раҳбарлари иштирок этишди.
Таъкидландики, туманда иқтисодиётни мустаҳкамлаш, маҳсулот ишлаб чиқариш ҳажми ва турларини кўпайтириш, аҳоли бандлигини таъминлаш, турмуш даражасини ошириш, янги иш ўринлари яратиш каби соҳаларда намунали ишлар амалга оширилди. Аммо улар етарли даражада эмас. Жумладан, аҳоли билан бўлган учрашувларда қатор муаммолар кўтарилдики, уларнинг аксариятини шу ернинг ўзида ҳал этиш мумкин эди.
Бундан ташқари, аҳоли бандлигини таъминлашда, саломатлигини мустаҳкамлашда, ўзаро қарздорликни камайтиришда ҳам лоқайдликка йўл қўйилмоқда. Коллеж битирувчиларини иш билан таъминлашда шартномалар расман тузилган бўлса-да, мутасаддиларнинг масъулиятни унутгани сабабли уларнинг бир қисми бандлиги таъминланмаган.
Сессияда муҳокама этилган мазкур ва кун тартибидаги бошқа масалалар юзасидан, таклиф ва мунозаралар инобатга олинган ҳолда, тегишли қарорлар қабул қилинди.
Олим ЖАЛИЛОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а