вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

"Эсдалик дафтари" керакми?..

12.06.2015 01:36:20

Ўқувчилик йиллари шитоб билан ўтиб бормоқда. Бу йил мактабнинг битирувчи ўқувчиларимиз. Ҳар йили 9-синф ўқувчилари билан боғлиқ бир ҳол такрорланади. Бу ҳам бўлса, "Эсдалик дафтари" тутиши ёки тутмаслик. Аслида, эсдалик дафтари керакми?..

Бу саволга деярли барча ўқитувчилар бир овоздан "йўқ", деб жавоб беришса, ўқувчилар, албатта, "керак", дейишади. Ўқитувчилар "Эсдалик дафтари" керак эмас, деб ҳисоблашади. Гўёки, бу ўқувчилар онгини заҳарлайдиган "вирус"дек. Илгарилари ўғил болалар ҳам эсдалик дафтари тутишар экан. Ҳозир эса кўпинча қизлар бу дафтарларнинг эгаси. Синфимизда ҳали ҳеч ким эсдалик дафтари тутмаган. Менимча, мактаб йилларини эслатиб турувчи, синфдошлар дил сўзлари ёзилган бундай дафтарлар керак. Ахир, тўққиз йиллик шодлик, қувонч ва дўстлар билан ўтказган бахтиёр дамларни дафтарга муҳрлаб қўйсак, бунинг нимаси ёмон?! Вақти келиб, қачонлардир мактаб йиллари, синфдошларимиз ёдимизга тушиб, уларни қўмсаганда ўқиб, дилимиз таскин топса, ёмонми?

Мен яқинда бир амакимнинг ўқувчилик йилларида тутган эсдалик дафтарини топиб олдим. Ҳали ҳам асраб юрибдилар. Шкафда энг қадрли нарсадек авайлаб-ўраб олиб қўйибдилар. Эсдалик дафтарида инсоннинг юрагидан тўкилган сатрлар, қалбни жунбишга келтиргувчи олис болалик хотиралари бўлади. Бу сўзларни, бу хотираларни оёқости қилиб бўлмайди. Уларни асраб қўйиш, узоқ йўлни босиб ўтгач эса варақлаб, олис болаликка саёҳат қилишнинг ўзи кифоя. Акс ҳолда бу дафтарнинг қадри ҳам, кераги ҳам йўқ. Бу менинг фикрларим, сиз-чи? Сиз нима дейсиз, тенгдошим, "Эсдалик дафтари" чиндан керакми?..

Дилдора ЯРАШОВА,

Кармана туманидаги 22-мактабнинг 9-синф ўқувчиси.

Манбаа: dustlikbayrogi.uz