Муҳтарам Президентимиз Шавкат Мирзиёев аҳоли мурожаатлари билан ишлашда давлат органларига ҳар бир мурожаат ортида инсон тақдири, келажаги ётганлигини инобатга олган ҳолда сифатли ва са­марали тизим жорий этиш вазифасини юклади. Бунда "Жисмоний ва юридик шахсларнинг мурожаатлари тўғрисида"ги Қонун дас­ту­рил­­амал вазифасини ўтамоқда. Айниқса, вилоят ҳокими ва ўрин­босарлари томонидан жойларда сайёр учрашувлар ташкил этилаёт­ган­лиги аҳолини қийнаб келаётган муаммоларни ўз вақтида ва жойида ҳал этилишига имкон яратмоқда.

— Фуқаролар, корхона, ташкилот­лар­­дан келиб тушаётган ариза, шикоят ва таклифлар "Жисмоний ва юридик шахсларнинг мурожаатлари тўғрисида"ги Қонун талаблари асо­сида кўриб чиқилмоқда, — дейди ви­лоят ҳокимлиги жисмоний ва юридик шахсларнинг мурожаатлари бўйича масъул ходими Қабриддин Абду­ази­зов. — Мурожаатлар ёзма, оғзаки ва элек­трон шаклда бўлиши мумкин. Мазкур қонуннинг 18-моддасига асо­сан Давлат органига келиб тушган мурожаатлар шу орган томонидан ёки унинг мурожаатларни кўриб чи­қиш бўйича мажбуриятлар зимма­си­га юклатилган мансабдор шахси то­монидан кўриб чиқилади.

Қўйилган масалаларни ҳал этиш ўзининг ваколат доирасига кирмай­диган давлат органига келиб тушган мурожаатлар беш кунлик муддатдан кечиктирмай тегишли органларга юборилиб, бу ҳақда мурожаат этув­чига ёзма ёхуд электрон шаклда ха­бар қилинади.

Мурожаатларни кўриб чиқиш учун асоссиз равишда бошқа давлат ор­ганларига ўтказиш ёхуд қарорлари ёки ҳаракатлари (ҳаракатсизлиги) устидан шикоят қилинаётган орган­ларга ёки мансабдор шахсларга юбо­риш тақиқланади.

Дарҳақиқат, вилоятимиз ҳоким­ли­ги томонидан жисмоний ва юридик шахсларни қабул қилиш, мурожаат­лар билан ишлашни такомиллашти­риш, мурожаат қилган шахсларнинг қо­нуний эркинликлари ва манфаат­лари­ни ҳимоя қилиш, муаммоларни аниқлаш ҳамда уларни бартараф этиш юзасидан бир қатор амалий иш­­лар олиб борилмоқда. Жорий йилнинг биринчи чорагида 13 та сай­ёр қабул ташкил этилиб, 504 нафар жисмоний ва юридик шахс вилоят ҳо­кимлиги раҳбарияти томонидан қабул қилинганлиги фикримизнинг яқ­қол тасдиғидир.

Ҳар ҳафтанинг шанба куни вилоят ҳокими ва қолган иш кунларида ви­лоят ҳокимининг ўринбосарлари то­монидан фуқаролар қабули ташкил этилган. Ҳафтада бир кун вилоят ҳо­кими марказдан олис ҳудудларда аҳо­ли билан сайёр учрашув ўтка­заёт­гани эътирофга сазовор бўл­моқда.

— Овулимизда аҳоли хонадонлари кўп бўлишига қарамасдан табиий газ узиб қўйилди, — дейди Конимех ту­мани, Янгиқазған овулида яшовчи Серикбай Атешов. — Вилоятимиз ҳо­кими овулимизга ўзи келиб, биз би­лан муаммолар юзасидан учрашув ўтказди. Ана ўшанда шу муаммони кў­тариб чиққан эдим, у киши муам­мони ипидан игнасигача ўрган­ди, му­тахассисларни жалб қилди. Ову­лимиз марказдан олисда бўлганлиги сабабли табиий газни узлуксиз ет­казиб беришнинг имконияти йўқ­лиги аён бўлди. Шундан кейин ви­лоят ҳокими газ идораси раҳбар­ларига бизнинг овулда яшаётган ҳар бир хонадонни ўз вақтида суюл­ти­рилган газ баллонлари билан таъ­минлашни юклади. Ҳозир суюл­ти­рилган газ баллонлари туман газ идо­раси томонидан ўз вақтида ар­зонлаштирилган ҳолда етказиб берилмоқда. Бу муаммо ҳал этил­ганидан ҳаммамиз хурсандмиз. Сайёр учрашувда бизнинг шунга ўх­шаган кўплаб муаммоларимизни жойида кўриб, ҳал этиб берганлиги учун вилоят ҳокимига ўз миннат­дор­чилигимизни билдириб қоламиз.

— Овулимизда жойлашган ОВПда врачларни ҳеч қачон излаб то­пол­масдик, — дейди Гулшаной Аде­шева. — Сайёр учрашувда бу муам­мони кўтариб чиққан эдик, мана ҳам­маси жойига тушиб кетди. 1 нафар врач эртадан кечгача беморлар билан ишлайди. Бундан ташқари, ОВПга бе­рилган "Тез тиббий ёрдам" ма­ши­наси ва ҳамширалар эл хиз­матида.

"Янгиқазған"да бўлган сайёр уч­рашувда шу ерга яқин бўлган Учтепа, Боймурод, Териқудуқ, Саржал овул­ларида яшаётган фуқаролар иштирок этди. Биров моддий ёрдам бериш, биров йўлларни таъмирлаш, биров электр ҳисоблагичдаги муаммо­ларни, яна биров тоза ичимлик суви муам­мо­сини кўтариб, ёрдам сўради. Ай­тилган муаммоларни ижобий бар­тараф этиш юзасидан бошқарма бош­­лиқлари, корхона ва ташкилот­лар раҳбарларига керакли топши­риқ­лар берилди.

Атиги бир кунда бўлса ҳам юзлаб одамлар дарду ташвиши тингланиб, кўплаб муаммолар бартараф этилди. Учрашувдан қайтаётган одамларнинг юз-кўзида ўзаро ишонч балқиб тур­ганини кўриш мумкин. Сайёр уч­ра­шувлар мунтазам ўтказиб борилаёт­гани аҳоли ишончини қозониш би­лан бирга, эл-юрт ташвиши ва дар­ди­га малҳам бўлмоқда.

Кўриб турганингиздек, вилояти­миз­­да аҳоли ва юридик шахслар му­рожаатлари билан ишлаш тизими мутлақо янги тизимга ўтди. Жорий йилнинг 1-чорагида вилоят ҳокимли­гига жисмоний ва юридик шахс­лардан 1767 та ёзма ва оғзаки муро­жаат келиб тушган. Бу муро­жаатлар қонунда белгиланган тар­тибда кўриб чиқилган. Жисмоний ва юридик шахс­лар мурожаатлари би­лан иш­лашда Кар­мана, Хатирчи, Нав­баҳор, Кони­мех ва Нурота туманлари ҳо­кимликлари мутасаддилари ҳам эъ­тибор ва масъ­улият билан ёнда­шиш­са, юқори ташкилотларга муро­жаатлар сони балки камайган бў­лар­миди?!

Бахтиёр ТОШНАЗАРОВ.

Манбаа: dustlikbayrogi.uz