вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
02.02.2017 17:32:32
Мустақиллик йилларида мамлакатимизда таълим тизими давлат сиёсати даражасига кўтарилди. Биринчи Президентимиз раҳнамолигида Кадрлар тайёрлаш миллий дастурининг жорий этилиши ва унинг ҳаётга муваффақиятли татбиқ этилиши соҳадаги ислоҳотлар изчиллигини таъминлади.
Маълумки, таълимнинг илк бўғини ҳисобланган мактабгача таълим муассасалари фаолияти самарадорлиги баркамол авлод шаклланишида муҳим аҳамият касб этади. Айнан МТМдаёқ болажонларнинг ақлан ва жисмонан ўсиши учун тўлиқ имконият яратилиши кейинги таълим босқичларида уларнинг иқтидорини намоён эта олишида пойдевор вазифасини ўтайди. 2015-2016 йиллар давомида 459 та мактабгача таълим муассасаси мукаммал таъмирланди ва замонавий талабларга мос равишда жиҳозланди.
Шунга қарамай, бугунги кунда мактабгача таълим муассасаларининг таълим дастурлари ва ўқув-тарбиявий режаларига қўйилган давлат талабларини такомиллаштириш долзарб масалалигича қолмоқда.
Аксарият мактабгача таълим муассасаларининг моддий-техника базаси замон талабларига жавоб бермайди. Болаларни мактабгача таълимни қамраб олиш кўрсаткичи ҳамон пастлигича қолмоқда. Давлатимиз раҳбарининг "2017 — 2021 йилларда мактабгача таълим тизимини янада такомиллаштириш чора-тадбирлари тўғрисида"ги қарори улар фаолиятини янада жонлантириш, моддий-техника базасини мустаҳкамлаш, малакали педагог кадрлар билан таъминлаш борасида дастуриламал бўлди. Дастур асосида болаларни ҳар томонлама ривожланиши учун илғор хорижий тажрибаларни инобатга олган ҳолда зарур шароитлар яратиш, мактабгача таълим муассасалари учун педагог кадрларни тайёрлаш ва малакасини ошириш ўқув режа-дастурларини замонавий педагогик технологияларни инобатга олган ҳолда такомиллаштириш, 2200 та мактабгача таълим муассасасининг моддий-техника базасини мустаҳкамлаш, жумладан, қишлоқ аҳоли пунктларида янги мактабгача таълим муассасаларини қуриш, уларни замонавий талабларга жавоб берадиган жиҳозлар, ускуналар, ўқув-методик қўлланмалар, мультимедиа ресурслари билан таъминлаш мақсад қилинган. Ушбу тадбирларни амалга ошириш учун жами 2,2 триллион сўм маблағ ажратилиши кўзда тутилмоқда.
— Қарор биз учун айни муддао бўлди, десам, янглишмайман, — дейди биз билан суҳбатда вилоят халқ таълими бошқармаси услубчиси Сафура Улуғназарова. — МТМ тизимини такомиллаштириш мақсадида ишлаб чиқилган бу қарор ижросини таъминлашда ота-оналарнинг хоҳиш-истаклари, орзулари амалга ошади, деб ўйлайман. Вилоят бўйича 72917 нафар 2 ёшдан 7 ёшгача бўлган бола бўлиб, бугунги кунда бошқарма тасарруфидаги 114 та, НКМКга қарашли 11 та МТМ билан бирга, 21789 нафар бола қамраб олинган. Бу умумий болалар сонига нисбатан 29,9 фоизни ташкил қилади. Ҳозирги кунда болаларни МТМларга жойлаштириш масаласи муаммо бўлиб турибди. Навоий, Зарафшон шаҳарлари, Учқудуқ туманида ҳар бир гуруҳда 35-38 нафаргача бола тарбияланмоқда. Шунингдек, навбатда турган ота-оналар мурожаатларининг сони юқоридаги шаҳар, туманларда икки мингдан ошиб кетган. Биз бу болаларни МТМга қамраб олиш мақсадида Халқ таълими вазирлиги ва "Таълимда глобал ҳамкорлик" ташкилоти қўшма лойиҳаси доирасида бошқарма тасурруфидаги 25 та мактабгача таълим муассасасида узоқ йиллар ишлатилмасдан турган хоналарни таъмирлаб, "Қисқа муддатли" гуруҳлар ташкил этдик. Ва уларга кам таъминланган оила фарзандларидан 972 нафари қабул қилиниб, болалар тафаккурини ўстирувчи 12 турдаги ўйинчоқлар, жиҳозлар билан таъминланди. Янги қарорга асосан, 2017-2021 йилларда қўшимча 125 та қисқа муддатли гуруҳлар ташкил этиб, МТМларга жалб қилинмаган, кам таъминланган оила фарзандларидан 6250 нафарини тўлиқ қамраб олишни режалаштирганмиз. Шунингдек, бу йиллар давомида битта янги МТМ қуриш, 33 тасини реконструкция қилиш, 22 тасини капитал таъмирлаш ишлари амалга оширилади.
Қарорда қайд этилишича, Дастурга кўра республикамиз бўйлаб мактабгача таълим муассасалари тармоғини 50 та янги қурилиш ҳамда мавжуд муассасаларнинг 1167 тасини реконструкция қилиш ва 983 тасини мукаммал таъмирлаш орқали кенгайтиришга, қишлоқ жойлардаги МТМларда ота-оналар бадал тўловини 30 фоизгача камайтириш, болаларнинг мактабгача таълимга қамровини 1,5 баробар оширишга эришилади.
Республикамизнинг узлуксиз таълим тизимини янада ислоҳ қилиш борасидаги қарор ёш авлоднинг баркамол вояга етишига ҳисса қўшади.
Зулфия БОБОЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а