вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
11.07.2016 12:03:29
Мамлакатимизда аҳолининг асосий қисмини ташкил этувчи ёшларнинг жамиятда ўз ўрнини топиши, интеллектуал салоҳиятининг ошиши, билим ҳамда замонавий касбларни эгаллаши, умуман, жамиятимизнинг ҳар бир соҳасида фаол иштирок этиши учун барча шарт-шароитлар яратилган. Жумладан, уларда касб-ҳунар борасида ёки тадбиркорлик соҳасида иш кўрсатиб, қобилиятларини намойиш этиш имкони мавжуд.
"Ўзбекистон Республикасида 2016 йилда ёшларга оид давлат сиёсатини амалга оширишга қаратилган қўшимча чора-тадбирлар дастури"га ўрта махсус касб-ҳунар таълими муассасаларида "Бизнес клуб"лар фаолиятини йўлга қўйиш бандининг киритилиши, уларнинг бу борадаги билим-кўникмаларини оширишда маёқ вазифасини ўтади.
— Клублар фаолиятининг асосий мақсади — ёшларни кичик бизнес ва хусусий тадбиркорликка жалб этиш, уларда ишлаб чиқарувчилик қобилиятини шакллантиришдир, — дейди вилоят ўрта махсус, касб-ҳунар таълими бошқармаси битирувчиларни ишга жойлаштиришни таъминлаш бўлими бошлиғи Олим Бобомуродов. — Шу билан бирга ўқувчиларимизнинг тадбиркорлик фаолиятини бошлаши, ривожлантириши учун ҳар томонлама кўмак бериш, қўллаб-қувватлаш, ўқув-семинарлар, учрашувлар ташкил этиш орқали уларда кўникма ҳосил қилишдир. Касб-ҳунар коллежларида ўқувчиларни тадбиркорликка жалб қилиш орқали уларнинг бандлигини таъминлаш ҳам асосий масала ҳисобланади. Мавжуд имтиёзлар, шарт-шароитлар тўғрисида маълумот бериб бориш учун ҳар бир таълим муассасасига тижорат банклари бириктирилган бўлиб, уларнинг меҳнат, солиқ органлари, савдо-саноат палатаси билан ҳамкорликда тарғибот-ташвиқот ишлари ва ўқув семинарлари ўтказишлари белгиланган.
Дастур ижросини таъминлаш мақсадида ижтимоий-иқтисодий йўналишлардаги касб-ҳунар коллежларида "Бизнес клуб"лар ташкил этилиб, ўқувчиларга тадбиркорлик соатлари, ўқув машғулотлари олиб борилди. Клубларга касб-ҳунар коллежлари битирувчиларининг 1998 нафари аъзо бўлди. Унда маҳоратини оширган битирувчиларга жорий йилда тижорат банклари томонидан кредит маблағлари ажратилди.
Нурота ижтимоий-иқтисодиёт касб-ҳунар коллежида ҳам "Бизнес клуб" фаолияти йўлга қўйилган. Клубга тадбиркорлик фаолияти билан шуғулланиш истагида бўлган ўқувчилар аъзо бўлган. Унда ёшларни тадбиркорлик соҳасига жалб этиш, кичик бизнес ва хусусий тадбиркорлик соҳасида малака ва кўникмаларини шакллантиришга қаратилган мазмунли, қизиқарли семинар-тренинг, амалий машғулотлар, учрашувлар, очиқ давра суҳбатлари, маҳорат дарслари ва бизнес экскурсиялар ташкил қилинди.
— "Бизнес клуб"лар ишбилармон ёшлар учун чинакам кўмакдош бўлди, — дейди коллежнинг "Бухгалтер" гуруҳи 3-босқич ўқувчиси Ойдинжон Бобоқулов. — Ўтказилган амалий машғулотларда ўзимиз учун керакли барча маълумотларни олдик. Мамлакатимизда ёшларга яратилаётган имкониятлар, қабул қилинган қонунлар билан танишдик. Бизнес ва маркетинг режалар тузишни ўргандик. Ака-опаларимиз баъзи бир муаммо, тўсиқ, расмиятчиликларни ўйлаб, тадбиркорлик фаолиятини бошлашда ҳайиқишган. Бизда эса имкониятлар кенгайгани сабаб бу йўлда қўрқишга ҳеч бир сабаб йўқ. Мен "Чорвачиликни ривожлантириш" бўйича бизнес режа туздим. ТИФ Миллий банк Навоий филиалидан 13 миллион сўм миқдорида кредит маблағи олиб, тадбиркорлик фаолиятимни бошладим.
Истиқлол туфайли юртимизда ишбилармонлик муҳити яратилиб, тадбиркорларимиз сафи кенгайди. Улар ишлаб чиқараётган сифатли маҳсулотлар ички ва ташқи бозорда ўз ўрнига эга бўлди. Машаққатли бўлса-да, самарали, фойдали бўлган бу касбга ёшлар орасида ҳам қизиқувчиларнинг кўплиги иқтисодимизнинг янада юксалиши, аҳоли турмуши бундан-да, фаровон бўлишидан далолатдир.
Зебо ҚУТЛИЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а