вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.07.2015 12:25:36
НДКИ ҳузуридаги 2-сонли академик лицейда "Оқ йўл сизга, азиз битирувчилар!" деб номланган диплом топшириш маросими бўлиб ўтди. Унда вилоят ўрта махсус, касб-ҳунар таълими бошқармаси вакиллари, "Умид", "Баҳор" МФЙлари маслаҳатчилари, маънавият фидойиси Бақо Саидов, лицей ўқитувчилари, шунингдек, битирувчиларнинг ота-оналари иштирок этишди.
Тадбирда таълим муассасасини тўрт йўналишда тамомлаган 351 нафар битирувчига диплом топширилди. Уларнинг 30 нафари ўз билими, интилувчанлиги сабаб имтиёзли дипломлар соҳиби бўлишди.
— Иқтидорли ўқувчиларимиз кўпчиликни ташкил қилади, — дейди лицейнинг маънавият ва маърифат ишлари бўйича директор ўринбосари Гулчеҳра Менглиева. — Жумладан, битирувчиларимиздан Лазиз Қаюмов фаол, ташаббускор ёш сифатида "Ўзбекистон белгиси" кўкрак нишони билан тақдирланган. Дилфуза Расулова француз тили, Жаҳонгир Холмўминов эса физика фанларидан республика олимпиадаси иштирокчиси. Зариф Пўлатов "Энг ёш истеъмолчи" кўрик-танловининг вилоят босқичида 2-ўринни қўлга киритди. Ўқувчиларимиз спортда ҳам ҳамиша илғор. Енгил атлетика бўйича Достон Райимов, каратэдан Муҳиддин Сатторовлар вилоят, республика мусобақаларида иштирок этиб, фахрли ўринларни эгаллашган.
Диплом топшириш маросимида тадбир меҳмонлари, ота-оналар сўз олиб, ёшларнинг ҳар бир ютуғи уларга чексиз фахр бағишлашини таъкидлаб, йигит-қизларнинг кейинги ҳаёт йўлларида омад ёр бўлишини тилашди. Битирувчилар дил сўзларида устозларига бўлган миннатдорлик ҳисси акс этди.
— Инглиз тили фанидан республика олимпиадасида қатнашганман, — дейди битирувчилардан бири, имтиёзли диплом соҳиби Гулҳаё Норқулова. — Бунда менга таълим берган устозларимнинг меҳнати беқиёс. Уларга чин дилдан раҳмат айтаман.Ўқитувчиларимиз олдида бир умр қарздормиз. Келгусида ўқишни Ўзбекистон давлат жаҳон тиллари университетида давом эттирмоқчиман. Талаба бўлиб, ўқитувчиларим, ота-онам ишончини оқлашга ҳаракат қиламан.
Тадбир давомида иқтидорли битирувчилар турли номинациялар бўйича тақдирланди. Шунингдек, уларнинг ота-оналарига, ўқитувчиларига ҳам ташаккурномалар топширилди. Тадбир сўнгида янграган куй-қўшиқ ва дилбар рақслар даврага янада файз киритди.
Зулфия БОБОЕВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а