вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Мурожаатларнинг ягона тизими яратилди

28.02.2018 16:18:08

2018 йил 1 февралдан эътиборан Ўзбекистон Республикаси Президенти Виртуал қабулхонаси ахборот тизимининг янги талқини ишга туширилди.

Ахборот тизими фаолияти такомиллаштирилиб, унда жисмоний ва юридик шахслар учун давлат органларига мурожаат қилишда қўшимча қулайликлар яратилган. Жумладан, Интернет тармоғидаги "pm.gov.uz" манзилидаги веб-сайт орқали мурожаатларни давлат органларининг раҳбарларига бевосита юбориш мумкин.

Шундан келиб чиқиб, мурожаатлар билан ишлаш самарадорлиги ва шаффофлигини ошириш, бир-бирини такрорловчи мурожаатларни қисқартириш, келиб тушаётган барча маълумотларни ягона тизим доирасида бирлаштиришни таъминлаш мақсадида давлат органларининг расмий веб-сайтларида яратилган виртуал қабулхоналар фаолияти тўхтатилади.

Янги талқиндаги Виртуал қабулхона юртимизда мурожаатлар билан ишлаш тизимини янги босқичга кўтариб, жойларда юзага келаётган муаммоларни тезкор ҳал этишда муҳим аҳамиятга эга бўлади.