вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Журналистлар учун брифинг

07.06.2016 16:22:41

4 июнь куни Навоий шаҳридаги "Ёшлар маркази"да айни пайтда бутун мамлакатимиз бўйлаб давом этаётган муҳим сиёсий-ижтимоий жараён — фуқаролар йиғинлари раислари ва уларнинг маслаҳатчилари сайловига бағишланган брифинг бўлиб ўтди.

Брифингда "Маҳалла" хайрия жамоат фондининг вилоят бўлими бошқаруви раиси Н. Исоқов журналистларга вилоятда сайловнинг бориши хусусида ҳисобот берди. Унинг таъкидлашича, 4 июнга қадар мавжуд 343 та фуқаролар йиғинидан 308 тасида сайлов ўтказилди. Сайловлар қонунийлик, муқобиллик асосида, яъни икки ва ундан ортиқ номзодлар кўрсатилган ҳолда ташкил этилиб, 218 тасида очиқ овоз бериш, 90 тасида яширин овоз бериш йўли билан фуқаролар йиғини раислари ва уларнинг маслаҳатчилари сайланди. Фуқаролар йиғинлари раисларининг 13 нафари аёллар, 201 нафари биринчи марта сайланганлар ҳамда 18 нафари маҳаллий Кенгашлар депутатларидир.

Брифингда фуқаролар йиғинлари раислигига мамлакатимизда олиб борилаётган ислоҳотлар моҳиятини теран ҳис этадиган, одамларни ўз ортидан эргаштира оладиган номзодлар сайланаётгани, бу сайловчиларнинг сиёсий-ҳуқуқий фаоллиги натижаси эканлиги алоҳида қайд этилди.

Холбиби САФАРОВА.