вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Жаҳон тажрибаси фаолиятимиз мезони

23.02.2017 11:46:40

Бугунги кунда Ўзбекистон Миллий авиакомпанияси мунтазам равишда дунёнинг 40 дан ортиқ шаҳарларига — Европа ва Осиё давлатлари, Америка ва Японияга парвозларни амалга оширмоқда.

Авиакомпаниянинг ваколатхоналари дунёнинг 22 та мамлакатида фаолият юритаяпти. Компания таркибига кирувчи 11 та аэропорт халқаро мақомга эга. Ўзбекистон фуқаро авиацияси нафақат минтақа, балки жаҳон авиаташувлари бозорида етакчилар қаторига кириб, миллий иқтисодиётнинг муҳим соҳасига айланди.

Яқинда "Ўзбекистон ҳаво йуллари" МАК ташкил топганлигининг 25 йиллиги муносабати билан "Навоий" халқаро аэропортида тантанали маросим бўлиб ўтди. Унда компания томонидан вилоятимиз ҳудудидаги аэропортда фаолият юритувчи бир гуруҳ ишчи ходимларга "Миллий авиакомпания меҳнат фахрийси" унвони, фахрий ёрлиқ ҳамда ташаккурномалар тақдим этилди.

Профессионал тажрибага эга ходимлар, барча қулайликлар муҳайё этилган лайнерлар, замонавий аэровокзаллар, янги технологиялар, парвозлар хавфсизлиги — буларнинг ҳаммаси бутун жаҳон авиаиндустриясида Ўзбекистон фуқаро авиациясининг ишончлилиги ва барқарорлигини таъминламоқда. Жаҳоннинг илғор мамлакатлари ҳамда миллий тажрибалар ҳар доим биз авиаторларнинг фаолият мезони бўлиб қолади.

Ш. ҚИЛИЧОВА,

аэропорт ходимлар билан ишлаш бўлими мутахассиси.