Navoi.uz

вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Футбол бўйича жаҳон чемпионати ташкил этилгандан буён ўйинларнинг барчасида иштирок этган ягона давлат — Бразилия иккинчи маротаба мезбонлик қилган ХХ жаҳон чемпионати якунига етди. Кутилмаган натижалар, қизиқарли ўйинлар ва эсда қоларли лаҳзаларни тақдим этган бу сафарги баҳсларида Германия тўртинчи маротаба жаҳон чемпиони бўлди!

Немисларнинг аргентиналик­лар билан кечган финал учрашу­вида захирадан майдонга туш­ган Марио Гетценинг ўйиннинг қўшимча вақтидаги 113-дақи­қасида урган голини футбол ишқибозлари узоқ йиллар эслаб юриши тайин.

Бу сафарги жаҳон чемпиона­ти ўзбек футбол мухлислари учун энг эсда қоларли бўлди. Боиси, ҳамюртимиз Равшан Эрматов ЖЧ баҳсларида энг кўп ўйин бошқариб, рекорд ўрнат­ди! Ҳозирда у жаҳон чемпионати доирасида 9 та ўйин ўтказган ягона ҳакам ҳисобланади.

Дунёнинг таниқли футбол нашр­ларидан бири бўлган "Marca" мундаилнинг энг сама­расиз футболчилар рамзий тер­ма жамоаси сафига бразилия­лик ҳимоячи Дани Алвес ва ҳужумчи Фредларни киритган. Ушбу рўйхатдан португалиялик футбол юлдузи Криштиану Роналду ҳам жой олган.

Чемпионатнинг энг яхши тўп­урари, дея колумбиялик Хамес Родригес тан олинган бўлса, энг яхши футболчига топширила­диган "Олтин тўп" Аргентина тер­ма жамоаси сар­дори Лионель Мессига насиб этди. Энг яхши дарвозабонига аталган "Олтин қўлқоп" соври­ни германиялик дарвозабон Мануэль Нойерга топширилди. Франция терма жамоаси ярим ҳимоячиси Пол Погба эса ЖЧ-2014 нинг энг ях­ши ёш футбол­чиси дея эътироф этилди. "Ҳалол ўйин" соврини эса Колумбия терма жамоасига топширилди.

Ўзбекистонлик чарм тўп мух­лислари 2018 йил Россияда бў­либ ўта­ди­ган навбатдаги жаҳон чем­пио­нати баҳсларида май­дон­да фақатгина Р. Эрматовни эмас, миллий тер­ма жамоамиз йигит­ларини кў­ришни иста­моқ­да­лар. Минглаб ишқибоз­ларнинг бу ниятини футболчи­ларимиз амал­га оширадилар, деган умиддамиз.

Кўрилганлар сони: 6683