вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
29.12.2014 16:28:52
Нурота шаҳридан чиқиб, Fарб томонга йўл олганимизда қуёш энди уфқдан бошкўтара бошлаганди. Оқтов ва Қоратов оралиғида ястаниб ётган кенгликларда дайдибюрган аччиқ ва қуруқ совуқ ўнгирлардаги эримай қолган қорларни ялаб, изғийди.Асрлар силсиласини бағрида яшириб ётган пурвиқор тоғлар бепоён кенгликларгасалобат бахш этиб турибди.
Қир-адирларни ортда қолдириб, Қўшработ туман марказига кириб келганимиздакун пешиндан оға бошлаганди. Йўловчи машинага ўтириб, манзилимизни айтганимизда,ҳайдовчи Зармитан шаҳарчасига 15 чақиримлар қолганини айтди. Қарийб 200 чақирим масофани босиб ўтганимиздан кейин олтинтопарларнинг сўлим масканига кириб келдик. Кўп қаватли замонавий турар-жой бинолари, барча қулайликларга эга бўлган ижтимоий объектлар, савдо, маиший хизмат кўрсатиш нуқталари шаҳар кўркига кўрк қўшиб турибди.
Бундан ярим аср муқаддам Зармитан конидан дастлабки маъдан қазиб олиш бошланган. Ўтган вақт ичида бу ерда янги конлар ўзлаштирилди, миллионлаб тонна тоғжинслари қайта ишланиб, ажратиб олинган бебаҳо бойликлар мамлакатимиз тараққиётига хизмат қилиб келаётир.
Бугунги кунда Навоий кон-металлургия комбинатининг Жанубий кон бошқармасига қарашли "Зармитан" очиқ кон ишлари бўлимининг Ўрталиқ тажриба ишлаб чиқариш карьери, "Чормитан", "Гужумсой" конидан таркиби олтинга бой бўлган тоғ жинслари қазиб олинмоқда. 1976 йилда "Чормитан" конидан очиқ усулда маъдан олиш бошланди. Ўтган йиллар ичида коннинг ишлаб чиқариш қуввати қарийб саккиз бараварга оширилди. Юзлаб янги иш ўринлари яратилди. Жорий йилнинг ўн бир ойида тоғ жинслари қазиб олиш 100,1 фоизга, руда олиш эса 131 фоизга бажарилди.
Албатта, конда модернизация ишларининг амалга оширилиши, янги технологияларнинг амалда жорий этилиши ишлаб чиқариш қувватини оширибгина қолмай, ер ости маъданларини шахта усулида қазиб олиш имкониятларини ҳам яратди. 1989 йилда бу усул амалда қўлланилган бўлса, бугунги кунга келиб, хомашё олиш ҳажмини оширишнинг янги лойиҳалари ишлаб чиқилмоқда. Айнан шундай лойиҳалардан бири асосида 2006 йил рудани 780 метр баландликка ташиб чиқишнинг "НТС-1-3" транспорт тизими яратилди. Бунинг учун Швециянинг "Atlas Copco" ва Финляндиянинг "SANDVIK" компаниялари томонидан ишлаб чиқарилган ўзи юрар замонавий техникалар олинди. Натижада 2012 йилда руда қазиб олиш 5,6 бараварга ошган бўлса, шундан 65 фоизи "Чормитан" конининг марказий қисмига тўғри келади.
Жорий йилнинг ўтган ўн бир ойида ҳам руда қазиб олиш ҳажми 120 фоизга уддаланган бўлса, бошқа тоғ-кончилик ишлари ҳам белгиланган режадагидан анча ошириб бажарилди.
Ўрталиқ тажриба ишлаб чиқариш конида бугунги кунда 117 нафар ишчи-мутахассис меҳнат қилади. Карьерда 2 та экскаватор, 2 та "СБШ-250", 2 та "СБУ-100" русумли бурғилаш машинаси ишласа-да, тоғ жинсларини асосан 10-автокорхонанинг юқори унумли "БелАЗ" русумли юк машиналари қайта ишлаш корхонасига ташийди. Бу ерда бир суткада қарийб 4355, бир ойда эса 135 минг кубометр тоғ жинси қазиб олинса, шундан 50 минг тоннасининг таркибида олтин мавжуд руда ташкил қилади.
— Ўттиз йил олдин "Қизилқумгеология" қидирув экспедициясида меҳнат фаолиятимни бошлаганман. Бу соҳада анча билим ва тажриба тўпладим. Кончилик машаққатли касб, ниҳоятда ҳушёрлик, билим, диққат-эътибор талаб қилади. Бу соҳада хато қилиш, адашиш мумкин эмас. Тасаввур қилинг, вазни 50 тонна, бунинг устига 45 тонна юк оладиган улкан "БелАЗ" юк машиналарини бошқариш ёки 600- 700 метрчуқурликдаги шахтада ишлашнинг ўзи бўлмайди. Қишнинг аёзли, ёзнинг жазирама кунларида меҳнат қилиш кончидан матонат, сабр-тоқат ва катта куч талаб қилади. Шунга яраша НКМК қулай иш ва дам олиш шароитларини яратиб қўйибди, — дейди Ўрталиқ тажриба ишлаб чиқариш карьери бошлиғининг ўринбосари Дилшод Умиров.
Бугун саноатчилар орасида етарли тажрибага эга бўлган экскаваторчи Содиқ Шамсиддинов, бурғилаш машинисти Зайниддин Ўринбоев, пайвандловчи Абдужамил Дўстмуродов, кон ишчиси Нажмиддин Ҳамроев, бурғиловчи Сайфулла Худойбердиев,Қаҳрамон Холиқулов, Ҳасан Набиев, "БелАЗ" юк машинаси ҳайдовчилари Абдивафо Муҳаммадиев, Халил Баянов касб сирларини, тажрибаларини ёшларга ўргатиб келмоқда.
Қўлга киритилаётган ютуқлар замирида биринчи галда 1500 нафар ишчи-хизматчига яратилган қулай шароитлар, уларни ижтимоий муҳофаза қилиш ҳамда меҳнатнинг тўғри ташкил этилганлиги ётибди. Қолаверса, Жанубий кон бошқармаси ва унинг тизимидаги корхона ҳамда конлардаги малакали мутахассисларнинг фидойилиги, юқори унумли замонавий техникалар билан таъминланиши ҳам йилдан-йилга маъдан қазиб олиш қувватини оширишга имконият яратмоқда.
Исроил ХОЛБОЕВ.
Сурат муаллифи Жумамурот МИРЗАЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а