вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Воҳадаги янги завод

10.08.2015 15:30:24

Зарафшонлик ёш тадбиркор Сайфулла Адизов вилоятимиз саноатида янги маҳсулот — карбид ишлаб чиқаришни йўлга қўйди. Кокс ва оҳакдан тайёрланган бу маҳсулот газ-пайвандлаш ишларида кенг қўлланилади.

— Карбид заводи қурилиши лойиҳаси беш йил аввал тасдиқланганди, — дейди С. Адизов. — Ўтган йил баҳорида банк кредити ҳисобига қурилиш ишларини бошлаб, қисқа муддатда поёнига етказдик. Жорий йилда илк маҳсулотни олдик. Мақсадимиз, маҳаллий хомашёдан тайёр маҳсулот ишлаб чиқариш бўлиб, коксни Фарғона нефтни қайта ишлаш заводидан, металлни эса Тошкент шаҳридан олаяпмиз.

Дарҳақиқат, маҳаллий хомашё ва ресурслардан кенг фойдаланиб, янги саноат маҳсулотларини ишлаб чиқариш ҳамда импорт ҳажмини камайтириш иқтисодиётни равнақ топтиришнинг устувор вазифаларидан бири ҳисобланади. Зеро, давлатимиз раҳбари мамлакатимизни 2014 йилда ижтимоий-иқтисодий ривожлантириш якунлари ва 2015 йилга мўлжалланган иқтисодий дастурнинг энг муҳим устувор йўналишларига бағишланган Вазирлар Маҳкамасининг мажлисидаги маърузасида таъкидлаганидек, бугунги кунда дунёда рўй бераётган воқеалар мавжуд маҳаллий хомашё базаси асосида импорт ўрнини босадиган маҳсулотлар ишлаб чиқаришни йўлга қўйиш мамлакатимизнинг иқтисодий мустақиллигини таъминлай олишини яққол кўрсатиб турибди.

Янги иш бошлаган карбид заводида айни пайтда 22 киши меҳнат қилмоқда. Завод тўлиқ қувватда ишлай бошласа, ишчилар сафи янада кенгаяди.

Дарвоқе, завод маҳсулотларини реализация қилиш учун аллақачон Самарқанд ва Тошкент вилоятларидаги саноатчилар билан шартномалар ҳам имзоланган.

Х. ҲОТАМОВА.