вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.10.2016 16:24:00
Ўқитувчи ва мураббийлар куни байрами муносабати билан вилоятимиз марказидаги "Хурсанд" кафесига 500 нафардан ортиқ соҳа фидойилари таклиф этилди. Маросимда вилоят ҳокими, сенатор Эркинжон Турдимов таълим соҳасида олиб борилаётган ислоҳотлар самараси ҳақида сўз юритиб, "Таълим тўғрисида"ги Қонун, Кадрлар тайёрлаш миллий дастурининг қабул қилиниши соҳани тубдан янгилаш ва ривожлантиришда улкан ҳисса қўшганини таъкидлади.
Мактаб таълимини ривожлантириш умуммиллий давлат дастури доирасида вилоятимизда юзлаб замонавий мактаблар, болалар мусиқа ва санъат мактаблари, спорт иншоотлари бунёд бўлгани, энг муҳими, давлат бюджетининг 35 фоиздан ортиқ маблағлари таълимга йўналтирилаётгани, Ўзбекистон, таълим мақсадлари учун ажратилган маблағлар бўйича дунё рейтингида бешинчи ўринни эгаллаганлиги, қалбимизга фахру ифтихор бағишлайди, деди у.
Шундан сўнг, давлатимизнинг юксак мукофотига сазовор бўлган устозлар, соҳа фидойиларидан бир гуруҳи вилоят ҳокимлигининг диплом ва эсдалик совғалари билан тақдирланди.
— Олис Учқудуқ туманида менга қараб турган қоракўзларга илм нурини улашар эканман, келгусида ўзим ўқитган ўқувчиларнинг давлат ва жамият қурилишида камарбаста, чинаккам юрт фарзандлари бўлиб етишишига ишонаман, — дейди, вилоят ҳокими фахрий ёрлиғини олган Гулжазира Тинимбаева. — Бугун энг олис ҳудудларимизда ҳам замонавий бинолар, барча ўқув қуроллари билан жиҳозланган кенг, ёруғ, иситиш тизими билан тўлиқ таъминланган синф хоналарида ўқувчиларимиз билим олаяпти. Бу имкониятларни бизга яратиб берган давлатимизга ҳар қанча хизмат қилсак арзийди!
Дарҳақиқат, Мустақиллик шарофати билан таълим соҳаси янги босқичга кўтарилди. Жаҳон талабларига тўлиқ жавоб бераётган тизим боис, ўқитувчиларимизнинг билим ва салоҳияти халқаро доирада эътироф этилмоқда.
— Хорижий тилни ёш авлодга етказишда яратилган шарт-шароит, имкониятларнинг кўплигидан қувонаман, — дейди Навоий шаҳридаги 11-ДИУМ инглиз тили ўқитувчиси Вазира Азимова. — 2015 йилда Буюк Британия консуллиги ҳамда Халқ таълими вазирлиги томонидан илк бор, "Йилнинг энг яхши чет тили ўқитувчиси" кўрик-танлови эълон қилинди. Йигирма минг нафар ўқитувчилар орасида ғолиб бўлдим. Жорий йилнинг январь ойида, ҳар бир инглиз тили ўқитувчисининг орзуси бўлган, ўзим ўргатаётган тилнинг мамлакати пойтахти — Лондон шаҳрига малака оширишга бордим. У ерда хорижий тилни ўқитиш бўйича билимларимизни бойитдик ва ўрганган методларимизни амалиётда қўллаб келмоқдамиз. Давлатимиз биз ёш кадрларни қўллаб-қувватлаб келаётганидан жуда мамнунман! 2015 йил халқ таълими аълочиси, 2016 йил "Ўзбекистон мустақиллигига 25 йил" эсдалик нишонлари билан тақдирландим. Бу мукофотлар мени янада ғайрат билан келажак авлодга билим беришга, янги марраларни эгаллашга бошлайди.
Кўкси гулдасталарга тўлган устоз мураббийлар, заҳматкаш касб эгаларининг дастурхон устида қурган суҳбати, азиз дийдор онларини насиб этди. Кекса фахрийлар, соҳа жонкуярларининг қалб сўзлари, тилаклари тингланди. Ватанга садоқатни тараннум этган миллий куй-қўшиқлар, озод ва бахтиёр кунларимизнинг шукронаси сифатида дилларга ором бахш этди.
Ҳилола ИСМАТОВА.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а