вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
06.10.2014 09:12:04
Самандар Муҳаммедов вилоят, туман миқёсидаги корхоналарда узоқ йиллар меҳнат қилди, билим, тажриба тўплади. Мамлакатимизда тадбиркорлик фаолиятига кенг имкониятлар эшиги очилганда у ҳам айнан шу соҳага қўл урди. 1999 йилда ишлаб чиқариш савдо фирмасини ташкил этган бўлса-да, савдо-сотиқ эмас, балки ишлаб чиқаришни афзал билди. 2000 йилда фирма вилоятда ягона бўлган ер ости насосларини мукаммал таъмирлаш ишларини йўлга қўйди. Қизилтепа тумани, «Тошработ» қўрғони маҳаллий ёшларидан 7 нафар мутахассисни жалб этди.
Вилоятнинг Нурота, Конимех, Томди, Учқудуқ каби чўл ҳудудидаги туманлари асосан ер ости қудуқларидан фойдаланишади. Бунинг учун эса насосларга эҳтиёж катта. Нафақат вилоятимиз, балки қўшни Самарқанд, Жиззах, Қашқадарё ҳамда водий вилоятларидан ҳам бугун кўплаб буюртмалар қабул қилишади. Таъмирталаб насослар учун эҳтиёт қисмларни Тошкентдан ва водийдан келтиришади. Насослар кучланишига қараб, 40 куб метрдан 90 куб метргача сув тортиб беради. Бурғилаш ёрдамида 60-350 метргача чуқурликка ташланган темир қувурлар ичига насослар ўрнатилади. Сув ичида турган насосларнинг қандай ишлашини кузатиш имконияти йўқлиги учун ҳам сифатли таъмирлашга диққат-эътибор қаратилади. Ер ости суви қочдими, насос куйди деяверинг.
— Ишимиз ниҳоятда нозик, бунинг устига буюртмалар жуда кўп. Улгуришимиз учун иш вақтини чекламаймиз. Бир суткада битта насосни таъмирлаб улгурамиз. Ишчиларимиз бу касбнинг ҳадисини олишган. Айниқса, генератор симини ўраш майда ва диққат талаб қиладиган юмуш. Бунга ҳаммаям сабр-тоқат қилолмайди. Ахир, 300- 350 метр узунликдаги симни қўл сиғмайдиган туйнукдан ўтказиб ўраб чиқишнинг ўзи бўладими? Яна бир миллиметр ҳам адашмасдан, пухталик билан бажариш талаб этилади. Озгина ноаниқликка йўл қўйилдими, симлар ичидан ўтадиган катта кучланишдаги электр токи анча ташвиш келтириши мумкин, — дейди фирма раҳбари Самандар Муҳаммедов.
Албатта, ишларнинг бир маромда кетиши, буюртмаларни вақтида бажариш жамоанинг меҳнатига, фидойилигига боғлиқ. Улуғбек Турдиев, Дилмурод Турдиев, ИхтиёрҲосилов, Муҳаммад Жумаев, Дилмурод Мўминов каби касбининг ҳадисини олганлар корхона фахри, десак ҳам бўлади. Уларнинг унумли меҳнат қилишлари учун етарли шароитлар яратилган. Иш жойининг ўзида икки марта иссиқ овқат ташкил қилинган, кийиниш, дам олиш, ювиниш хоналари хизматда. Олисдан келган буюртмачилар учун ҳам дам олиш хонаси шай қилиб қўйилган.
Халқимиз орасида "Сув келтирган элда азиз", деган ҳикматли гап бор. Элга обиҳаёт етказиб бериш билан дастурхонимизни тўкин, турмуш фаровонлигимизни яхшилаш йўлида хизмат қилаётган корхонанинг савобли ишларида омад тилаймиз.
Жамолиддин АҲТАМОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а