"Яқинда ўзбекистонлик истеъдодли ёш гроссмейстер Жаҳонгир Воҳидов Буюк Британиянинг Уэйкфилд шаҳрида якунланган 2nd 4NCL FIDE Rated Congress турнири ғолибига айланди. Бундан бир муддат аввал у Бирмингем шаҳрида ўтган 1st 4NCLмусобақасида ҳам бош мукофотни қўлга киритган эди. Бешта турдан иборат мусобақада Жаҳонгир Воҳидов 5 имкониятдан 4,5 очко жамғаришга муваффақ бўлди".

Бу хушхабар юртимиздаги спортсевар мухлисларга бир олам қувонч бағишлади. Шах­мат бўйича жаҳон чемпиони Рустам Қосимжоновга ҳавас қилиб, халқаро турнирлардағолиб бўлаётган Жаҳонгир Во­ҳидов сингари ўзбек ёш­лари фахримизга айланиб бормоқда. Ақл гимнастикаси ҳисобланган шахматда дунё ёш­лари билан бемалол бел­ла­ша оладиган ва уларни орт­да қолдиришга қодир йи­гит-қизларимизнинг борлиги мам­­лакатимизда ушбу спорт тури кенг оммавийлашиб бо­раётганидан дарак. Қолавер­са, азалдан Шарқда шатранж, дея аталган шахматга алоҳи­да қизиқиш мавжуд бўлган. Бу­гунги кунда ҳам унга қара­тилган эътиборни ёшлар ўртасида ўтказилаётган тур­ли мусоба­қа­лар мисолида ҳам кўриши­миз мумкин. Бундай белла­шувларда етти ёшдан етмиш ёшгача бўлган ҳаваскор шах­матчилар дона суриб, ўз иқтидор ва маҳо­ратларини намойиш этиш имконига эга бўлишмоқда. Ана шундай ёш шахматчи­лардан бири, Наво­ий шаҳри­да истиқомат қилув­чи Улуғ­бек Шавқиддиновдир. У энди етти ёшни қарши ол­ган бўл­са-да, кўплаб мусоба­қаларда ғолиб бўлган. Шах­мат­ни жон-дилидан сева­ди­ган бу бола­кайда илк қизи­қиш­ни бобо­си Шавқиддин ота уйғотган. Уйда дадаси Шерали Тила­вов ҳам­да бо­босининг бўш вақтда шах­мат билан банд бўлиш­ла­рига ҳа­вас қиларди. Ўғилла­ри­даги спортга бўл­ган меҳр­ни кўрган ота-онаси уни 4-БЎСМдаги шахмат тўгарагига олиб бо­ришди. У. Шавқид­динов му­раб­бийла­ри Озода ва Хур­шида Кари­мо­валардан шах­мат бўйича сабоқ ола бош­лади. Кейинча­лик у интилиши, ўз устида кўп ишлаши билан му­собақа­ларда ғолибликни қўлга ки­рит­ди. Жумладан, "Камолот" шахмат тахтаси" рес­публика мусобақаси ша­ҳар босқичи­да 2-ўринни эгал­лади. Нав­рўз байрамига ба­ғишлаб ўтказилган 12 ёшгача бўлган­лар ўртасидаги шах­мат баҳ­сида 1-ўрин соҳиби бўл­ди. Шунингдек, саккиз ёшгача бўлган ўғил болалар ўртаси­даги вилоят бирин­чи­лиги мусобақасида ҳам у ғо­либ, деб топилди. Республика миқёсидаги беллашувларда ҳам фахрли ўринларни эгал­лаб келмоқда. Қувонарлиси, Улуғбек фақат шахмат билан чекланиб қолган эмас. У сузиш билан ҳам шуғуллана­ди. Чет тилларини ўрганиш, мусиқа тўгаракларига қатна­шади. Вақтдан унумли фой­да­­ла­ниш­га ҳаракат қилган У. Шав­қиддиновнинг орзуси кела­жакда жаҳон чемпиони бў­­­лиш.

— Ўғлимнинг шахматга меҳ­ри жуда кучли, — дейди унинг онаси Нилуфар Йўл­до­ше­ва. — Уйда ҳам бобоси, да­даси билан шахмат ўйи­нига берилиб кетади. Орзу­лари юк­саклигидан хурсанд бўла­ман. Юртимизда ёш авлод учун барча имконият­лар яра­тилгани уларнинг орзуси амал­га ошишига кў­мак бе­ра­ди. Келгусида маш­ҳур шах­мат­чининг онаси сифати­да ўғ­лимдан фахрла­ниб юри­ш­ни истайман. Унинг ҳар бир ютуғидан бошим ос­монга ета­ди. Она учун фар­зан­ди­нинг камо­лини кўриш­дан ор­тиқ бахт йўқ, аслида.

Мақоламизни Жаҳонгир Во­­­ҳидовнинг халқаро тур­нир­­да ғолиб бўлгани ҳақи­да­ги сўз билан бошлаган эдик. Умид қиламизки, ёш шах­­матчи Улуғбек Шавқид­динов ҳам келажакда у каби нуфуз­ли мусобақалар ғо­ли­­би­­га айланади. Мураббий­лари, ота-онаси, яқинлари­нинг ишончини оқлайди. Ва­­тани­миз номи дунёга та­нилишида ўз ҳиссасини қў­ша олади. Бу йўлда Улуғ­бек­ка омад, мато­нат ҳамроҳ бў­ли­шини тилай­миз.

Зулфия БОБОЕВА.

Сурат муаллифи Жумамурот МИРЗАЕВ.