вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Учқудуқлик чемпион қизлар

10.01.2015 11:26:14

Учқудуқлик Ирода Жуманова ва Дилноза Камоловалар ёш бўлишларига қарамай, самбо кураши бўйича ўз вазнлари тоифасида мамлакатимизнинг икки карра чемпионлари ҳисобланишади.

Айни кунларда Навоий кон-металлургия комбинатининг "Лочин" спорт мажмуасида Алишер Шодмонов ва Хуршид Хўжамовлар мураббийлигида 150 нафарга яқин ёшлар ушбу спорт тури билан шуғулланишмоқда. Улар сафида нафақат Ўзбекистон, балки Осиё чемпионати совриндорлари ҳам бор.

— Президентимиз томонидан биз ёшларга яратилиб берилган имкониятлардан унумли фойдаланган ҳолда келажакда кучли спортчи бўлиб етишиш ва олимпиадаларда иштирок этиб, Ватанимиз байроғини юксакларга кўтариш ниятидаман, — дейди И. Жуманова.

— Дилноза ва Ирода каби чемпион қизларимиз кўп, — дейди "Лочин" спорт мажмуаси директори Олим Қўлдошев.

— Келажакда улардан умидимиз катта. Албатта, асосий ҳаракатларимиз туманимиздаги ёшларни спортга кенг жалб қилиш ва бу орқали уларнинг бўш вақтларини мазмунли ўтказишни таъминлашдан иборат.

Ҳозирда ушбу мажмуада 1600 нафар ёш спортнинг самбо, оғир атлетика, футбол, волейбол, стол тенниси, бокс каби 10 дан ортиқ тури бўйича машғулотлар олиб боришмоқда.

Руслан САБУРОВ.

Сурат муаллифи Сирож АСЛОНОВ.