вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
17.10.2016 11:06:43
Қаерда кишилар баҳамжиҳат, бир ёқадан бош чиқариб иш тутса, ана шу жойда қут-барака бўлиши ота-боболаримиз таъкидлаган ҳаётий ҳақиқат. Бугунги кунда юртимиз тараққиётида муҳим ўрин тутаётган омиллардан бири ишбилармонлик муҳитининг жадал ўсиб бораётганида ҳам бунинг ўзига хос ўрни бор.
Айни пайтда вилоятимизда истиқомат қилаётган кўплаб оилалар тадбиркорлик йўлидан бориб, оилавий корхона ташкил этишмоқда. Ҳозирда ана шундай оилаларнинг сони 300 тадан ортиқни ташкил этиб, улар хизмат кўрсатиш ва сервис соҳасидан тортиб, савдо, ишлаб чиқариш йўналишларида ҳам фаолият олиб бормоқда.
"Tog‘ toshi jilosi" оилавий корхонаси Хатирчи тумани "Қорача" қишлоқ фуқаролар йиғини ҳудудида ишлаб чиқариш ҳамда хизмат кўрсатиш йўналишларида фаолият юритади. 2014 йилда иш бошлаган корхонада ёз мавсумида ойига 3 мингтадан 4 мингтагача қурилиш блоклари ишлаб чиқарилади. Корхона маҳсулотлари туманда амалга оширилаётган бунёдкорлик ишлари, хусусан намунали уй-жойлар барпо этишда фойдаланиб келинмоқда.
— Оилавий корхонамизни укам билан бирга ташкил этганмиз, — дейди биз билан суҳбатда субъект раҳбари Орифжон Суяров. — Ўтган йил қишлоқ хўжалик маҳсулотларини қиш мавсумида сифатли сақлаш мақсадида, мева-сабзавот етиштирувчиларга хизмат кўрсатувчи 40 тонналик сиғимга эга музлаткич-омборхона барпо этдик. Бу корхонамиз ривожида муҳим омил бўлди. Эндиликда, келгуси йилларда янги технология келтириб, сутни қайта ишлашни ҳам йўлга қўймоқчимиз. Албатта, сидқидилдан қилинган ҳалол меҳнат ўз самарасини беради.
Кармана туманида паррандачилик йўналишида иш олиб бораётган оилавий корхоналар талайгина. "Ramazon barhayot" оилавий корхонаси ана шулардан бири бўлиб, 2010 йилдан буён фаолият юритади. Корхона бозорларимизга асосан сифатли ва арзон, парҳезбоп товуқ гўшти етказиб бераётир.
— Фарзандларим, келинларим билан бирга иш олиб борамиз, — дейди корхона раҳбари Самад Аҳмедов. — Айни пайтда Англиядан келтирилган 5 минг бош бройлер куркаларни парваришлаяпмиз. Бундай куркалар вазни 4 ой давомида 20-25 килограммгача етади. Паррандачиликнинг ўзига хос инжиқликлари бор. Ана шу машаққатдан қочмаган одам бу юмушдан фойда топиши тайин. Бизнинг оиламиз бунга мисол. Оиладаги ҳамжиҳатликда эса ҳалол меҳнатнинг ўрни катта.
Бир сўз билан айтганда, юртимизда оилавий корхоналар сонининг ошиши нафақат аҳоли турмушининг моддий тўкислигини таъминлётир, балки бу - оилалар тотувлигида ҳам ўзига хос муҳим омил бўлмоқда.
Озод МУСТАФОЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а