Миллий матбуотимиз юксак тараққиёт йўлини босиб ўтди. Қисқа давр оралиғида соҳанинг асосий вазифаси бўлган ахборот тўплаш ва узатиш тизими такомиллашди. Айниқса, янги асрда компьютер технологияси, интернет тармоғи, рақамли телевидение, веб-сайтлар каби технологияларнинг истеъмолга кириб келиши жамият аъзоларининг ахборотга бўлган эҳтиёжини тўла-тўкис қондиришга кенг йўл очди.

Жадал ривожланаётган муста­қил­лик даври матбуоти халқи­миз­нинг эркин минбарига айла­наётганлиги билан янгича маз­мун касб этмоқда. Бу ишларнинг кўлами мамлакатимизда ҳуқуқий давлат ва фуқаролик жамияти асослари шакллантирилаётган бир даврда долзарб аҳамиятга эга бўлмоқда. Бу эса, ўз навбати­да, ижодкорлар зиммасига янада масъулиятлироқ вазифаларни юкламоқда. Муҳтарам Юртбоши­миз­нинг "Бугун ўзбек матбуоти, энг аввало, мустақил мамла­ка­тимиз ва инсонларимизнинг ҳимоячиси, давлат ва жамият ўртасида холис воситачи си­фа­тида фаолият юритмоқда. Бу жараён ҳар бир журналист­дан янада жасур, фидойи, фаол ва ҳозиржавоб бўлишни, воқеалар қозонида қайнашни, ижодий маҳоратни узлуксиз ошириб боришни талаб этади", деган эътирофлари соҳа хо­дим­­ларини ҳамиша масъулликка чорлайди, албатта.

Миллий матбуотимиз ижти­моий фикрни ривожлантириш ва шакл­­лан­тириш билан бир қатор­да, юрт фаровонлигига ҳам хиз­мат қил­моқ­да. Шуни қайд этиш керакки, оммавий ахборот восита­ларининг "тўртинчи ҳокимият" даражаси­да­ги мустақил индус­трия сифа­тида, демократик жа­миятда эркин фа­о­лият юрити­шига кенг йўл очилган.

Медиа маконда унинг таъсир кучи — материалларнинг холис­ли­ги, тез­корлиги, долзарблиги ҳам­да таҳ­ли­лийлик даражаси билан ўлча­на­ди. Зеро, матбуот — тарбия ва ахборот олишнинг му­ҳим бўғини­дир. Муайян хабарни узатиш ёки бирон бир ғоянинг моҳияти­ни очиб бериш орқали ҳамда за­ру­­рий ахборотлар етказиш билан бирга кишилар онгида барқарор тасаввурлар ва қадриятларнинг шаклланишига яқиндан кўмакла­шади.Қисқача айтганда, матбуот — тингловчи тафакку­ри­га изчил таъсир ўтказиш имко­ниятига эга бўлган қуд­ратли кучдир.

Бугунги кунда вилоятимизда 5 та те­левидение, 30 та газета ва 6 та журнал фаолият олиб бор­­моқ­­да. Уларнинг 22 таси дав­лат ва 20 таси нодавлат омма­­вий ахборот воситаси ҳи­соб­ланади. Бошқарув орган­лари ах­бо­рот хизматлари, 5 та эфир-ка­бел­ли телевидение ва 85 та матбаа корхонаси ҳам фао­лият олиб бормоқда. Дав­рий босма нашрлар ойига 800 минг нусхадан ортиқ ададда, ма­ҳаллий радио, телевиде­ние­лар томонидан ҳафтада 100 соат­­дан ортиқ кўрсатув ва эшит­­­­­­­тиришлар аҳолининг ах­боротга бўлган эҳтиёжини қон­диришга хизмат қилмоқда.

Ўзбек, рус, қозоқ ва қора­қал­поқ тилларида чоп этилаётган дав­рий босма нашрлар турли миллат вакиллари ягона аҳил оила­дек бирдамлик байроғи ос­тида яшаётган вилоят аҳо­ли­сини янгиликлар, ижтимоий аҳа­­­миятга эга ахборотлар, бунёд­­­­корлик ишлари билан та­ништириб келаётир. Босма дав­рий нашрлар ижтимоий инс­титут сифатида давлат ва хў­­жалик бошқаруви органлари, ташкилот ва корхоналар, мар­каз ва уюшмалар билан яқин ҳамкорликни йўлга қўйиб, жа­миятда кечаётган жараёнлар­нинг моҳиятини тўлақонли тарз­­­да ва ўз вақтида газетхон­ларга етказишда жонбозлик кўрсатишяпти.

ХХI аср — ахборот асри си­фатида тарих саҳифаларидан жой олди. Тараққиёт даврида асрнинг бундай ном олишига ҳуқуқий асос бор. Негаки, бор­ган сари жамият, техника ва ах­борот коммуникацияси соҳа­си жадал ривожланиб бормоқ­да. Ҳаётимизга замонавий ах­борот технологиялари кириб келди. Айни пайтда вилоятда фао­лият олиб бораётган 12 та таҳририят глобал тармоқда ўз веб-саҳифасини яратган ва унда газетада чоп этилган пуб­лицистик материалларни жой­лаштириб, ахборот олувчилар­нинг эркин фойдаланишларига ша­роит яратиб берган.

2016 йилни соҳа учун омад­ли келди, деб айтишга тўла асос­­­лар мавжуд. "NavoiyPRESS", "Кар­­мана овози", "Нав­­­­баҳор тонги" газеталари ва "Қалб қуё­ши" журнали таҳ­ри­риятлари Олий Мажлис ҳу­зу­ридаги но­дав­лат нотижорат таш­­­килот­ла­рини ва фуқа­ро­лик жамияти­нинг бошқа инс­ти­тут­ларини қўллаб-қувват­лаш жа­моат фон­ди грант ло­йи­ҳа­ла­ри­ни ютиб, ҳар бири 25 мил­лион сўмлик маб­­лағни қўлга кирит­ди.

Вилоятимизнинг барча омма­вий ахборот воситалари ҳамда матбуот ходимларини давла­ти­миз Мустақиллигининг йи­гирма беш йиллиги арафасида нишонланаётган касб байрами билан чин юракдан қутлаймиз. Сўз қудрати ва ақл ҳикмати бар­­чага йўлдош бўлишини ти­лаб қоламиз.

Жаҳонгир УМИРЗОҚОВ,

вилоят матбуот ва ахборот бошқармаси бошлиғи.