вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
27.09.2014 13:16:36
Мамлакатимизда ўсиб, вояга етаётган ёш авлодни ҳар томонлама мукаммал тарбиялаш, мурғак иқтидор соҳибларига ғамхўрлик кўрсатиш, қўллаб-қувватлаш, уларнинг ижод ва билим чўққиларини эгаллашларига кўмак бериш устозларнинг асосий мақсади, бош вазифасидир.
Бу юксак шарафни, албатта, эътиборсиз ва лоқайд адо этиб бўлмайди. Бунинг учун чинакам меҳнат, сабр-тоқат ва фидойилик зарур. Ҳар бир соҳанинг фидойи, заҳматкаш инсонлари бор. Ўз севган касбига бутун ҳаётини бағишлаган меҳридарё, олийжаноб устозларнинг бир қанчаси Навоий шаҳридаги "Меҳрибонлик уйи"да фаолият юритишади.
Улар тарбияланувчи болажонларнинг баркамол улғайишида эртаю кеч ҳаловат билмай, кўнгли ўксик болажонларга бор меҳр-муҳаббатини тортиқ этганлар. Шунингдек, жажжиларни нафақат талабчан ва жонкуяр устоз, балки ғамхўр она сифатида нурафшон йўллар сари бошлайди. Уларнинг спорт, илм-фан, санъат соҳаларида қўлга киритаётган муваффақиятларида шубҳасиз, тарбиячи-мурабийларнинг хизматлари беқиёсдир. Бугун ҳукуматимиз томонидан педагогларнинг заҳматли фаолияти юксак қадрланмоқда. Бу, албатта, таълим тизимига қаратилган эътиборнинг намунасидир. "Меҳрибонлик уйи"да ҳам ана шундай фидойи устозлар борлиги барчамизни қувонтиради. Жумладан, "Шуҳрат" медали соҳибалари Бибигул Ўринова, Насиба Ибрагимова, II даражали "Соғлом авлод учун" ҳамда "Эл-юрт ҳурмати" орденлари билан мукофотланган Фазолат Қайемова, Ўзбекистон Республикаси Халқ таълими аълочиси кўкрак нишони соҳибаси Муҳаббат Искановалар муассасамизнинг фахру ифтихоридир.
Ҳар бир инсон илк бора қўлига қалам тутган, алифбони ўргатган устозини ҳурмат ила тилга олади. Уларнинг бугунги иқболи, шарафли йўлига барчамиз ҳавас қиламиз. Чунки улар ҳалол меҳнати билан жамоада, маҳаллада, оилада ўз ўрнини топа олди. Устоз учун эса бундан ортиқ бахт бўлмаса керак.
Сайёра АБДИМУРАТОВА,
"Меҳрибонлик уйи" тарбиячиси.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а