вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Тадбиркорлик сари

10.06.2017 12:55:52

Кармана туманидаги "Раҳмат Шариф орзуси" фермер хўжалигида"Мамлакатимизда кичик бизнес ва фермерликни ривожлантириш ҳолати ва истиқболлари" мавзусида амалий семинар ўтказилди.

O'zLiDeP вилоят ҳудудий партия ташкилоти ташаббуси билан ташкиллаштирилган тадбирда депутатлар, партия фаоллари, тадбиркорликка қизиқувчи коллеж битирувчилари ҳамда ОАВ вакиллари иштирок этишди.

Ўзбекистон Республикаси Президентининг "Тадбиркорлик фаолиятининг жадал ривожланишини таъминлашга, хусусий мулкни ҳар томонлама ҳимоя қилишга ва ишбилармонлик муҳитини сифат жиҳатидан яхшилашга доир қўшимча чора-тадбирлар тўғрисида"ги Фармони тарғиботи юзасидан амалга оширилган тадбирда мамлакатимизда қулай ишбилармонлик, инвестициявий муҳитни янада яхшилаш борасида олиб борилаётган ишлар, кичик бизнесга қаратилган имтиёзлар хусусида сўз борди.

— Бугунги кунда ёшларни тадбиркорликка жалб этишда ҳаётий мисолларнинг аҳамияти катта, — дейди Кармана саноат касб-ҳунар коллежи битирувчиси М. Қурбонова. — Қишлоқ тадбиркори бўлган фермерларимиз билан ўтказилаётган жонли мулоқотларда ҳам уларнинг тажрибаларидан ўрганиб бораяпмиз. Бундан ташқари, юртимизда тадбиркорликка қаратилган имтиёзлар хусусидаги билимларимиз бойиб бормоқда. Бу каби тадбирлар албатта, навоийлик ёш тадбиркорлар сафи кенгайишига хизмат қилади.

Б. ЮЛДАШЕВ.

Манбаа: dustlikbayrogi.uz