вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
06.08.2015 18:15:39
Кичик бизнеснинг аҳоли фаровонлигидаги ўрнини яхши англаган конимехликлар юртимизда яратилган қулай имкониятлардан самарали фойдаланган ҳолда тадбиркорлик билан кенг кўламда шуғулланиб келишмоқда. Ҳозирда ҳудудда 170 дан ортиқ субъектлар давлат рўйхатидан ўтган бўлиб, уларнинг фаолият турлари ҳам йилдан-йилга кенгайиб бораётир.
Туманда бугунги кунда чорвачилик маҳсулотлари билан бирга саноат, озиқ-овқат, қурилиш маҳсулотлари ишлаб чиқариш ҳам йўлга қўйилган.
"Конимех алгоритм" хусусий фирмаси аҳолига компьютер хизматлари кўрсатадиган саноқли корхоналардан бири бўлиб, ушбу тадбиркорлик субъекти фаолиятини истиқболли, деб баҳолаш мумкин. Тез кунда корхона негизида яна бир йўналиш — полиграфия хизмати йўлга қўйилади. Бунинг учун 50 миллион сўмлик банк кредити корхона раҳбари Шавкат ака Қодировга асқотди.
— Корхонамиз 2008 йилда ташкил этилган, — дейди у киши биз билан суҳбатда. —Ўтган ойда Японияда ишлаб чиқарилган полиграфия ускунасини келтириб ўрнатдик. Ушбу аппаратнинг бошқаларидан фарқи унинг ранг ҳидини чиқармаслигидир. Келгусида корхонамиз учун замонавий тарзда маъмурий бино қуришни ҳам режалаштирганмиз. Аҳоли эҳтиёжига кўра, корхонамиз негизида яна савдо биржаси ва баҳолаш хизматини йўлга қўймоқчимиз.
Туманда нон маҳсулотлари ишлаб чиқарувчи асосан иккита йирик цех фаолият юритади. "Конимех ширмой нон" хусусий фирмаси шулардан бири бўлиб, цехда бир кунда 500-600 дона қолипли нон ишлаб чиқарилади. "Абдурайим авлод" корхонасида эса кунига 300-400 дона қолипли нон тайёрланади. Ҳар иккала цехда ҳам тозаликка алоҳида аҳамият қаратилиб, фаолият мижозлар талаби асосида олиб борилмоқда.
Яқин кунларда "AQUARIUS WATER" ёрлиғи остида яна бир маҳсулот бозорларга чиқарилади. МЧЖ шаклидаги ушбу корхона туман марказидан 200 километр олисда ер остидан насос ёрдамида сув тортиб, қайта ишлаб, қадоқлаб чиқаради. Ҳозирда Хитойдан қадоқлаш ускунаси келтириб ўрнатилган, бирламчи ишлаб чиқариш ишлари бошлаб юборилган.
— Ушбу тадбиркорлик фаолиятимни бошлашдан аввал турли ҳудудлардан ер остидан сув олиб, унинг таркибини лаборатория усулида текширтириб кўрдим, — дейди МЧЖ раҳбари Феруз Муродов. — Каракатадан олинган намуна жуда ноёб, инсон организми учун фойдали эканлиги маълум бўлди. Шундан сўнг бу ерда эски, ишламай турган цехни сотиб олдик. Қайта реконструкция қилиб, янги технологиялар келтирдик. Ҳозирда чет эллик мутахассислар у ерда иш олиб боришмоқда. Тез кунда ишларни бошлаб юборамиз. Иш икки навбатда ташкил этилади. Йилига 2,1 миллиард сўмлик маҳсулот ишлаб чиқарамиз.
Кейинги йилларда қурилиш ишларининг кенг кўламда олиб борилаётгани барча ерда бўлганидек, туманда ҳам қурилиш маҳсулотлари, хусусан пишиқ ғиштга бўлган эҳтиёжни келтириб чиқарди. Туманда ўтган йилдан буён фаолият юритаётган "Қизилқум пойдевори" корхонаси ана шу йўналишда йирик ҳажмли ишни амалга ошириб, бир қатор қурилиш корхоналарини сифатли ва арзон ғишт билан таъминлаб келаяпти. Ушбу корхонада ўрнатилган ғишт қуйиш ускунаси соатига 8000 дона ғишт ишлаб чиқариш қувватига эга. Корхона фаолият бошлаганидан бугунгача 360 миллион сўмлик маҳсулот ишлаб чиқарди.
Умуман олганда, туманда талабдан келиб чиқиб тадбиркорликнинг янги-янги турларига қўл уришмоқда. Айтишимиз мумкинки, кўпгина лойиҳалар бунда истиқболли бўлаётир. Ишбилармонлик муҳитининг яхшиланиб бораётгани корхоналарда ишлаб чиқарилаётган маҳсулотлар сифати ошишига ҳам ўз ижобий таъсирини кўрсатмоқда.
Ваҳоб РАЙИМОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а