вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
23.01.2017 12:41:12
Юртимизда ишбилармонлик муҳитининг яхшиланиши тадбиркорликка ҳавасманд фуқароларимиз қалбида кичик бизнес билан шуғулланиш иштиёқини пайдо қилмоқда. Давлатимиз томонидан яратиб берилаётган имтиёзлар, тижорат банкларининг кўмаги кўплаб фуқароларимизнинг бу борадаги орзу-истакларини рўёбга чиқариб, янги-янги кичик корхоналар фаолияти йўлга қўйилишида асос бўлаяпти.
2016 йилнинг 1 январидан юртимиздаги барча шаҳар-туман ҳокимликлари ҳузурида "Ягона дарча" марказлари ташкил этилган эди. Жумладан, вилоятимизда ҳам бу каби марказлар фаолияти самарали йўлга қўйилди. Уларнинг ўтган давридаги фаолиятини кузатар эканмиз, фуқароларни тадбиркорликка кенг жалб этишда бу муҳим ўрин тутаётганлиги ўз исботини топмоқда.
Учқудуқ тумани мисолида айтадиган бўлсак, "Ягона дарча" маркази орқали 2016 йилда жами 336 та тадбиркорлик субъекти давлат рўйхатидан ўтган. Бу эса 2015 йилда ташкил топган субъектлар сонига нисбатан кўп.
— Давлат хизматлари кўрсатиш бўйича бир йил давомида марказимизга 317 та мурожаат келиб тушди, — дейди биз билан суҳбатда ташкилот раҳбари У. Худойқулов. — Ушбу мурожаатлар ўз вақтида кўриб чиқилиб, тадбиркорларга тегишли ҳужжатлар тақдим этилди. Умуман олганда, туманимизда тадбиркорлик субъектлари сонининг ортиши, савдо-сотиқ ва хизмат кўрсатишнинг бошқа турлари билан бирга ишлаб чиқариш йўналишларида ҳам янги кичик корхоналар фаолияти йўлга қўйилишига имконият яратмоқда.
Зарафшон шаҳар ҳокимлиги ҳузуридаги "Ягона дарча" маркази орқали эса ўтган йил давомида 650 тадан ортиқ тадбиркорлик субъекти давлат рўйхатидан ўтказилди. Давлат хизматлари кўрсатиш бўйича тадбиркорлардан 1246 та мурожаат қабул қилиниб, улар ҳам ўз вақтида ҳал этиб берилди.
— Бизга асосан муҳандислик-коммуникация — иссиқ-совуқ сув, узлуксиз электр энергия, телефон алоқа тармоқларига уланиш борасида мурожаатлар келиб тушмоқда, — дейди ушбу марказ раҳбари Б. Файзуллаев. — Тадбиркорларнинг бу борадаги хоҳиш-истаклари ижобий ечим топаётгани уларнинг фаолияти самарадорлиги ошишида муҳим аҳамият касб этаяпти.
Бир сўз билан айтганда, бугунги давр жадал тараққиётга эришишда давлат томонидан тадбиркорликни ҳар томонлама қўллаб-қувватлашни тақозо қилмоқда. Фуқароларимизнинг ишбилармонлиги эса юртимизда бу борадаги кенг шарт-шароитлар билан уйғунлик касб этиб, мамлакатимизда фаровонликни таъминлашда муҳим омил бўлаётир.
Озод МУСТАФОЕВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а