вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Тадбиркор ёшлар сафи кенгаймоқда

25.03.2017 11:10:44

Нурота қишлоқ хўжалиги касб-ҳунар коллежи битирувчи қизларининг 45 нафарига "Савдогарбанк"нинг вилоят филиали томонидан замонавий тикув дастгоҳлари топширилди.

Мамлакатимизда касб-ҳунар коллежлари битирувчилари бандлигини таъминлаш, уларни тадбиркорлик фаолиятига кенг жалб этишга алоҳида эътибор қаратилмоқда. Бунда, айниқса, Президентимиз Шавкат Мирзиёевнинг жорий йил 14 мартдаги "Ўрта махсус, касб-ҳунар таълими муассасалари фаолиятини янада такомиллаштириш чора-тадбирлари тўғрисида"ги қарори бу борада муҳим дастуриламал бўлаётир.

Навоий вилоятида ҳам битирувчи ёшлар бандлигини таъминлаш борасида тизимли ишлар амалга оширилаётир. Ўтган йили 12 минг 953 нафар ёш мутахассис касб-ҳунар коллежларини битирди. Улар орасидан тадбиркорлик истагида бўлган ўғил-қизларнинг 1362 нафарига тижорат банклари томонидан қарийб 15 миллиард сўм миқдорида имтиёзли кредит маблағлари ажратилди.

— Тадбиркорлик фаолиятини йўлга қўйиш истагини билдирган ёшларга тижорат банклари томонидан имтиёзли кредитлар ажратилаётгани янги иш ўринлари яратилишида муҳим омил бўлмоқда, — дейди Навоий вилояти ўрта махсус, касб-ҳунар таълими бошқармаси бўлим бошлиғи Олимжон Бобомуродов. — Ёш тадбиркорлар турли йўналишларда ўз бизнесини йўлга қўйиб, нафақат оиласи фаровонлигига ҳисса қўшмоқда, балки тенгдошларини иш билан таъминлаяпти.

Битирувчиларни тадбиркорликка кенг жалб этиш, уларда ишбилармонлик қобилиятини шакллантириш, ёшларнинг истиқболли лойиҳаларини қўллаб-қувватлаш мақсадида таълим муассасаларида ташкил этилган махсус ўқув курслари фаолияти янада самарали бўлмоқда. Хусусан, Нурота қишлоқ хўжалиги касб-ҳунар коллежида 972 нафар ўқувчи таҳсил олади. Жорий ўқув йилида таълим масканини 307 нафар ўғил-қиз битиради. Мазкур коллежнинг яна 7 нафар битирувчисига ҳам чорвачилик ва паррандачилик йўналишлари бўйича имтиёзли кредитлар ажратилди.

Шунингдек, банк томонидан шу кунгача 86 нафар коллеж битирувчисига 382 миллион сўм имтиёзли кредитлар берилди.

Ўз мухбиримиз.

Манбаа: dustlikbayrogi.uz