вилоят ҳокими
қабулига
ёзилиш
Шаҳар ва туман
ҳокимларига
мурожаат
Интерактив
давлат
хизматлари
28.09.2016 11:02:48
Ўзбекистон Республикасининг Биринчи Президенти Ислом Каримов раҳнамолигида юртимизда болалар спортини ривожлантириш мақсадида амалга оширилган ишлар бугун ўз мевасини бера бошлади. Буни спортчиларимизнинг жаҳон миқёсидаги кўплаб йирик ва нуфузли мусобақаларда, жумладан, Рио-де-Жанейро шаҳрида бўлиб ўтган ёзги Олимпиада ва Паралимпия ўйинларида қўлга киритган ютуқлари ҳам тасдиқлаб турибди. Улар орасида вилоятимиз вакиллари ҳам борлиги янада қувонарлидир.
Мустақиллик йилларида вилоятимизда кўплаб спорт мажмуалари қуриб битказилди. Жорий йилда фойдаланишга топширилган Қизилтепа шаҳридаги сузиш ҳавзаси ҳам чорак асрлик тўйга муносиб совға бўлди.
Вилоят маданият ва спорт ишлари бошқармасига қарашли спортнинг сув турларига ихтисослаштирилган болалар ва ўсмирлар спорт мактаби 2012 йил март ойида Болалар спортини ривожлантириш жамғармаси маблағлари ҳисобидан қурилди. Мазкур мактаб 120 ўринли бўлиб, 25х11 ҳажмдаги ёпиқ сузиш ҳавзасига эга. Бу ерда сувни фильтрлаш ва иситиш ҳамда ҳаво алмаштириш тизими мавжуд. Ечиниш ва ювиниш хоналарида яхши шароитлар яратилган.
— Мажмуамиз фойдаланишга топширилган пайтда "Сув спортига ихтисослаштирилган" БЎСМ сифатида Навоий шаҳар халқ таълими муассасалари фаолиятини методик таъминлаш ва ташкил этиш бўлимига қарашли эди, — дейди мактаб директори Асқар Умаров. — Вазирлар Маҳкамасининг 2015 йил 11 декабрдаги 356-сонли қарорига асосан вилоят маданият ва спорт ишлари бошқармаси таркибига ўтказилиб, спортнинг сув турларига ихтисослаштирилган БЎСМ номи берилди.
Бу ерда сузиш ҳамда байдарка ва каноэда эшкак эшиш, шунингдек, синхрон сузиш гуруҳлари ташкил этилган. Гуруҳларда 481 нафар йигит-қиз ва катта ёшлилар шуғулланади.
ССТИ БЎСМда соғломлаштириш гуруҳлари фаолият кўрсатмоқда. Ҳафтанинг жуфт кунларида аёллар, тоқ кунларида эркаклар гуруҳида машғулотлар олиб борилади. Ҳар шанба куни эса аёллар учун бепул шуғулланиш куни, деб белгиланган. Бундан ташқари, мактабда спортнинг сув турларидан сув полоси ва трамплиндан сакраш бўлимлари очилди.
"Соғлом она ва бола йили" ҳамда Ўзбекистон Республикаси давлат мустақиллигининг 25 йиллик байрамига бағишлаб, "Гўзал ва бетакроримсан, муқаддас Ватаним, жоним сенга фидо, Ўзбекистоним!" шиори остида 2001-2008 йилларда туғилган йигит ва қизлар ўртасида "Соғлом авлод учун" халқаро хайрия фонди вилоят минтақавий филиали билан ҳамкорликда сузиш бўйича ССТИ БЎСМ очиқ биринчилиги бўлиб ўтди. Ушбу мусобақа юқори савияда ташкил этилди ва у ёшлар ўртасида ўзаро дўстлик, ҳамжиҳатлик ришталарини боғлади.
Сузиш, синхрон сузиш, байдарка ва каноэда эшкак эшиш бўйича шаҳардаги "Ёшлик" кўлида машғулот олиб борилади. Мураббийларнинг кўпчилиги олий маълумотли, сузиш бўйича касб тоифасига эга. Санжар Тангатаров, Гулзира Исоқова, Малоҳат Намозова, Камолиддин Амандуллаев, Ҳайит Рўзиев, Тоҳир Мусоқулов, Эркин Норов, Айсулу Львова, Содиқжон Ашуров, Сардор Ҳамроев, Сайиҳа Маматова каби мураббийлар ёшларга сузиш санъати сирларини ўргатишмоқда. Шуғулланувчилардан Навоий шаҳридаги 4-, 13-, 7-, 2- ва 17-мактабларнинг ўқувчилари Хонзода Атемова, Динара Шарипова, Элшод Элмуродов, Шаҳбоз Ниятуллаев, Мурод Суюнбоев, Шоҳруҳмирзо Муҳиддинов Ўзбекистон қишки ва ёзги очиқ чемпионатлари ва очиқ кубоги мусобақаларида спортнинг сузиш тури бўйича қатнашиб, фахрли ўринларни қўлга киритишди.
Бир сўз билан айтганда, мустақиллик шарофати билан халқимизга туҳфа этилган болалар спорти иншоотларида бахтиёр авлодларимиз камол топмоқда.
Жамолиддин АҲТАМОВ.
Тендер савдолари
Тендерлар ва танловлар
Барча юридик ва жисмоний шахслар, чет эл инвесторлари диккатига!!!
Ижарага бериладиган объектлар
Навоий вилоят Ҳудудий танлов комиссияси танлов эълон қилади!
ҳокимлик билан Боғланиш
Тел.: 8 (436) 229-6206
info@navoi.uz
Ўзбекистон Республикаси,
Навоий вилояти, Навоий ш.,
Халқлар Дўстлиги кўчаси, 77а