вилоят ҳокими
қабулига
ёзилиш

БАТАФСИЛ

Шаҳар ва туман
ҳокимларига
мурожаат

БАТАФСИЛ

Интерактив
давлат
хизматлари

БАТАФСИЛ

Спортсевар ёшлар замонавий иншоотда машғулотлар ўтказмоқда

11.08.2017 12:11:27

Спорт — саломатлик гарови. Спорт машғулотларига мунтазам қатнаган бола жисмонан кучли, маънан етук бўлиб вояга етади. Шуни инобатга олган ҳолда мамлакатимизда ёшлар ўртасида оммавий спортни ривожлантиришга катта эътибор қаратилмоқда.

Хусусан, спортга ихтисослашган мактаблар, спорт заллари бунёд этилиб, фойдаланишга топширилди. Уларда минг-минглаб ёшларимиз ўзлари севган спорт турлари бўйича машғулотларда иштирок этмоқда. 2016 йил сентябрь ойида марказдан олисда бўлса ҳам туманимиз марказида Болалар ва ўсмирлар спорт мактаби қурилиб фойдаланишга топширилгани бутун томдилик спортсевар ёшлар, ота-оналарни қувонтириб юборди.

Айни пайтда мазкур мактабда 472 нафар ўқувчи спорт сирларини мукаммал ўрганмоқда. Уларнинг 191 нафари қиз болалар эканлиги эса туманда спорт оммалашаётганидан дарак.

Уларнинг машғулотларда яхши тайёргарлик кўриб, вилоят ва республикамизда ўтказилаётган спорт мусобақаларида совринли ўринларни олиб ёруғ юз билан қайтишмоқда. "Умид ниҳоллари" спорт мусобақаларининг вилоят босқичида 54 нафар ўқувчиларимиз миллий кураш, волейбол, белбоғли кураш, бокс, стол тенниси, якка кураш (турон) турлари бўйича иштирок этиб, уларнинг 12 нафари 2-3 ўринларни қўлга киритишди.

Бундан ташқари, 19-20 май кунлари Навоий шаҳрида бўлиб ўтган спортнинг миллий кураш тури бўйича Республика биринчилигининг саралаш босқичида Карлиғаш Асилбекова 2-ўрин, Балауса Амирхонова 3-ўринни эгаллагани бутун туман аҳлини қувонтирди. Бунда Абдухолиқ Ҳусанов, Шаҳбоз Комилов ва бошқа мураббийларнинг ҳам катта хизматлари бор. Келгусида ҳам республика ва халқаро мусобақаларида муваффақиятли иштирок этиб, томдиликлар ишончини оқлаймиз.

Серикгали КУШЕКБАЕВ,

Томди туманидаги Болалар ва ўсмирлар

спорт мактаби директори.

Манбаа: dustlikbayrogi.uz